ខេត្តស្វាយរៀង៖នាព្រឹក ថ្ងៃអាទិត្យ ១៣កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែសីហា ឆ្នាំ២០២០ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀងតំណាងឯកឧត្ដមអភិបាលខេត្ត បានអញ្ជើញចូលរួមជាអធិបតីក្នុងពិធីក្រុងពិលីសាងសង់អាគារសិក្សាថ្មីចំនួន២ខ្នងស្មើនឹង៩បន្ទប់ដែលជាអំណោយដ៏ថ្លៃ្លថ្លារបស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលស្ថិតនៅក្នុងបរិវេណសាលាបឋមសិក្សាថ្ម.ស ភូមិថ្ម.ស ឃុំស្វាយជ្រំ ស្រុកស្វាយជ្រំ ខេត្តស្វាយរៀង។
ដោយមានការចូលរួមពីលោក ខៀវ សំអុល ប្រធានមន្ទីរអប់រំ យុវជន និងកីឡាខេត្ត លោកអភិបាលរងស្រុកស្វាយជ្រំ លោក លោកស្រីក្រុមប្រឹក្សាឃុំស្វាយជ្រំ ឃុំតាសួស លោកមេភូមិ អនុប្រធានភូមិ លោកគ្រូនាយក អ្នកគ្រូនាយិការង សាលាបឋមសិក្សា លោកគ្រូ អ្នកគ្រូ និងបងប្អូនប្រជាពលរដ្ឋមួយចំនួនទៀត៕
