ភ្នំពេញ ៖ នៅរសៀលថ្ងៃអង្គារ៍១៥កើត ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៤ ខែកក្កដា ឆ្នាំ២០២០នេះ លោកវរសេនីយ៍ទោ សារឹម វុទ្ធី អធិការរងខណ្ឌសែនសុខ តំណាងលោកវរៈសេនីយឯក ហួរ ម៉េងវ៉ាង អធិការនគរបាលខណ្ឌ បានបន្តចុះចែកសៀវភៅស្នាក់នៅជូនប្រជាពលរដ្ឋ ក្នុងភូមិគោកឃ្លាង សង្កាត់គោកឃ្លាង ខណ្ឌសែនសុខខ រាជធានីភ្នំពេញ។
លោកអធិការរងខណ្ឌ បានឲ្យដឹងថា ដោយមានការអនុញ្ញតិពីលោកវរៈសេនីយឯក ហួរ ម៉េងវ៉ាង អធិការនគរបាលខណ្ឌសែនសុខ ប៉ុស្តិ៍នគរបាលរដ្ឋបាលគោកឃ្លាង លោលបានដឹកនាំមន្ត្រីក្រោមឱវាទ ចុះចែកសៀវភៅស្នាក់នៅជូនប្រជាពលរដ្ឋ ចំនួន១ភូមិ ភូមិគោកឃ្លាង នៃសង្កាត់គោកឃ្លាង ខណ្ឌសែនសុខខ រាជធានីភ្នំពេញ។
ក្នុងនោះដែរក៍មានការចូលរួមពីលោកវរសេនីយ៍ត្រី ដួង វណ្ណៈ នាយប៉ុស្តិ៍, លោកអនុសេនីយ៍ឯក នេត ប៊ុនធៀន នាយរងប៉ុស្តិ៍, លោកអនុសេនីយ៍ទោ គៀត ពន្លឺ មន្ត្រី, លោក លាវ សុខហេង ចៅរងទី២, លោក អ៊ាម ប៊ុណ្ណា អនុភូមិ បានចុះចែកសៀវភៅស្នាក់នៅ មានចំនួន ២២គ្រួសារ សរុបចំនួនមនុស្សចំនួន ៩៩នាក់ ប្រុស៤៨នាក់ អាយុ១៨ឆ្នាំឡើងចំនួន ៧៦នាក់ ប្រុសចំនួន ៤២នាក់៕
