ខេត្ដព្រះវិហារ៖ ពលរដ្ឋសាទរនឹងចំណាត់ការរបស់សមត្ថកិច្ចខេត្តព្រះវិហារបានចុះបង្ក្រាបល្បែងសុីសងខុសច្បាប់មួយកន្លែងកាលពីថ្ងៃទី១ ខែសីហារឆ្នាំ២០២០ស្ថិតនៅភូមិស្រយង់ជើង ឃុំស្រយង់ ស្រុកគូលែន ខេត្តព្រះវិហារ ។
យោងតាមខិតបំភ្លឺរបស់ស្នងការនគរបាលខេត្តព្រពះវិហារ ដែលអង្គភាពសារព័ត៌មានបំណងពលរដ្ឋ(BPN News)ទទួលបានបានបញ្ជាក់ថា នគរបាលស្រុកគូលែនបានចុះបង្ក្រាបល្បែងសុីសងមួយកន្លែងឃាត់ខ្លួនស្ត្រីអ្នកញៀនល្បែង៤នាក់និងបានដកហូតវត្ថុតាងមួយចំនួនរួមមាន៖បៀរចំនួន១០៤សន្លឹក សៀវភៅកត់ឆ្នោតចំនួន១ក្បាល ប្រាក់រៀលចំនួន៧៦,០០០រៀល(ប្រាំពីរមុឺនប្រាំមួយពាន់រៀល)។
សូមបញ្ជាក់ថា៖ក្រោយពីអង្គភាពសារព័ត៌មានបំណងពលរដ្ឋ(BPN News)បានចុះផ្សាយកាលពីថ្ងៃទី៣០ ខែកក្កដា ឆ្នាំ២០២០ថាមានករណីបើកល្បែងសុីសងច្បាប់នៅភូមិស្រយ៉ង់ ឃុំស្រយ៉ង់ ស្រុកគូលែន ខេត្ដព្រះវិហារ ពេលទទួលបានព័ត៌មានភ្លាមនោះលោកឧត្ដមសេនីយ៍ស្នងការក៍បានចាត់កម្លាំងនគរបាលស្រុកគូលែនអោយចុះទៅមេីលទីតាំងនោះភ្លាមហើយសមត្ថកិច្ចបានអញ្ជើញើលោក ហម រ៉ាយ ភេទប្រុស អាយុ ៥៧ឆ្នាំជាម្ចាស់ទីតាំងនោះមកធ្វើកិច្ចសន្យានិងបញ្ឈប់ការលួចលេងល្បែងសុីសងខុសច្បាប់បន្តទៀត។
ទន្ទឹមនឹងនេះពលរដ្ឋពិតជាសាទរនឹងចំណាត់ការរបស់សមត្ថកិច្ចខេត្ដព្រះវិហារដែលបានបង្ក្រាបល្បែងសុីសងខុសច្បាប់ទាំងនេះទាន់ពេលវេលាហេីយពួកគាត់លែងព្រួយបារម្ភពីរឿងចោលួចចោប្លន់ទៀតហេីយ៕
