ខេត្តស្វាយរៀង៖ព្រឹកថ្ងៃសៅរ៍ ០៤រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៨ ខែសីហា ឆ្នាំ២០២០ ដោយអនុវត្តតាមការណែនាំនិងចង្អុលបង្ហាញរបស់ លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា ធឿន រដ្ឋា ប្រធានការិយាល័យ នីតិកម្ម និងសម្រុះសម្រួលវិវាទមូលដ្ឋានស្រុកចន្ទ្រា បានសហការជាមួយលោក ទេព ស៊ាន មេឃុំ ក្រុមប្រឹក្សាឃុំ ព្រៃគគីរ លោកមេភូមិ អនុភូមិអង្គរតូច បានចុះសម្រុះសម្រួលករណីប្រជាពលរដ្ឋចំនួន៣គ្រួសារ ដាំដើមឫស្សី ដើមប្រេងខ្យល់ នៅលើភ្លឺប្រឡាយ និងភ្ជួរយកដីភ្លឺប្រឡាយចំនួន ៣ ម៉ែត្រ ស្ថិតនៅភូមិអង្គក្តួច ឃុំព្រៃគគីរ ស្រុកចន្ទ្រាមានឈ្មោះដូចខាងក្រោម៖១.លោកស្រី មាស សុីណា អាយុ ៣៥ឆ្នាំ ដាំដើមឫស្សីលើភ្លឺប្រឡាយ ២.លោក តាំង សាបាន អាយុ ៤០ឆ្នាំ ភ្ជួរចូលភ្លឺប្រឡាយចំនួន ០៣ម៉ែត្រ
៣.លោក ម៉ៅ គិន អាយុ ៧៤ឆ្នាំ ដាំដើមប្រេងខ្យល់លើភ្លឺប្រឡាយ ជាលទ្ធផលបានសម្រុះសម្រួលបានសម្រេច គឺប្រជាពលរដ្ឋទាំង ០៣នាក់ បានយល់ព្រមតាមការសម្រុះសម្រួលរបស់ក្រុមការងារ គឺកាប់ដើមឬស្សី ប្រេងខ្យល់ និងបះដីភ្លឺប្រឡាយឲនៅដូចដើមវិញ ក្រុមការងារបានធ្វើកិច្ចសន្យាជូនពួកគាត់ផងដែរ៕
