ខេត្តកំពង់ចាម៖ នារីវ័យ៣០ឆ្នាំម្នាក់ បានសម្រេចចិត្តធ្វើអត្តឃាតបញ្ចប់ជីវិត ដោយជិះម៉ូតូមកលោតទឹកពីលើស្ពានកោះប៉ែន ទាំងព្រឹកព្រលឹម ថ្ងៃទី០៩ ខែសីហា ឆ្នាំ ២០២០ ស្ថិតក្នុងឃុំកោះមិត្ត ស្រុកកំពង់សៀម ខេត្តកំពង់ចាម។
បេីតាមការអះអាងរបស់ឈ្មោះ ម៉ាង ម៉េងហួន ត្រូវជាឪពុកសាកសព បានអោយដឹងថា កូនស្រីរបស់ខ្លួនមានឈ្មោះ ហួន និមល អាយុ៣០ឆ្នាំ មានទីលំនៅភូមិកំពង់រលីង សង្កាត់សំបួរមាស ក្រុងកំពង់ចាម មានជំងឺផ្លូវចិត្តប្រព័ន្ធ ប្រសាទ (ផ្លូវចិត្ត) ត្រូវលេបថ្នាំប្រចាំជារៀងរាល់ថ្ងៃផងដែរ។
សមត្ថកិច្ចបានឲ្យដឹងថា បន្ទាប់ពីទទួលបានសេចក្ដីរាយការណ៍ពីបងប្អូនប្រជាពលរដ្ឋថា មានមនុស្សស្រីម្នាក់បានជិះម៉ូតូមកលោតទឹកធ្វើអត្តឃាតពីលេីស្ពានកោះប៉ែនភ្លាមនោះ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាឲ្យលោកវរសេនីយ៍ឯក ឯក ប៉ាន់ដន អធិការនគរបាលស្រុកកំពង់សៀម បានដឹកនាំកម្លាំងជំនាញ សហការជាមួយអាជ្ញាធរមូលដ្ឋាន និងគ្រូពេទ្យចាត់វិធានការជាបន្ទាន់ចុះដល់កន្លែងកើតហេតុ ដេីម្បីបង្កើតគណៈកម្មការត្រួតពិនិត្យលើសាកសព ដោយពុំមានស្លាកស្នាមអ្វីដែលគួរឲ្យសង្ស័យជាប់ពាក់ព័ន្ធនឹងបទល្មើសទេនោះ សាកសពត្រូវបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី ផងដែរ ៕
