ខេត្តកែប៖ លោកឧត្តមសេនីយ៍ត្រី សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប រសៀលថ្ងៃទី១១ខែសីហាឆ្នាំ២០២០ បានដឹកនាំមន្ត្រីពាក់ព័ន្ធ ចុះពិនិត្យជាក់ស្តែងតាមបណ្តាគោលដៅសំខាន់ៗជុំវិញខេត្ត ជាពិសេសតំបន់រមនីយដ្ឋានឆ្នេរខ្សាច់ ផ្សារក្តាម ដើម្បីរៀបចំផែនការ ការពារសន្តិសុខ សណ្តាប់ធ្នាប់ សុវត្ថិភាព ជូនបងប្អូនប្រជាពលរដ្ឋ ភ្ញៀវទេសចរណ៍ជាតិ អន្តរជាតិ ក្នុងឱកាសប្រមុខរាជរដ្ឋាភិបាលកម្ពុជា ចេញអនុក្រិត្យស្តីពីការអនុញ្ញាតឱ្យមន្ត្រីរាជការ និយោជិត កម្មករ ឈប់សម្រាកការងារ នៅថ្ងៃទី១៧ដល់២១ ខែសីហា ឆ្នាំ២០២០ សងថ្ងៃបុណ្យចូលឆ្នាំប្រពៃណីជាតិខ្មែរ ដែលមិនបានឈប់សម្រាកដោយសារជំងឺកូវីដ-១៩ ៕
