ខេត្តព្រៃវែង៖ សេចក្ដីរាយការណ៍បានឲ្យដឹងថាៈ បន្ទាប់ពីមានសេចក្តីរាយការណ៍ពីប្រជាពលរដ្ឋថាមានចោរ៤នាក់
បានមកគាស់ទ្វារឡានដឹកស្រូវយកលុយ នៅចំណុចរង្វង់មូលស្វាយអន្ទរ ក្រោយក្រុមចោរធ្វើសកម្មភាព លោក អ៊ុង ផាន អធិការស្រុកស្វាយអន្ទរ បានដឹកនាំកម្លាំងដោយផ្ទាល់ នឹងបានធ្វើការដេញស្ទាក់ចាប់បាន២នាក់។
ហេតុការណ៍នេះបានកើតឡើងនៅថ្ងៃទី២៥ ខែសីហា ឆ្នាំ២០២០ វេលាម៉ោង១២នឹង៧នាទី នៅចំណុចរង្វង់មូលស្វាយអន្ទរ ដោយសារតែមានប្រជាពលរដ្ឋឃើញក្រុមចោរមានគ្នា៤នាក់ កំពុងតែធ្វើសកម្មភាពគាស់ទ្វារឡានដឹកស្រូវ ហើយនាំគ្នាស្រែកឆោឡោនិងប្តឹងទៅសមត្ថកិច្ច មិនបង្អង់យូរលោក អ៊ុង ផាន អធិការស្រុកស្វាយអន្ទរបានដឹកនាំកម្លាំងដេញស្ទាក់ចាប់ជនសង្ស័យ ដែលជិ:ម៉ូតូមួយគ្រឿងម៉ាកឌ្រីមសង់សេ១២៥ ពណ៌ខ្មៅពាក់ស្លាកលេខ ភ្នំពេញ: CI 9767 ជិ:ចូលផ្សារឈូកមាស ពេលឃើញសមត្ថកិច្ចពួកគេក៏ភ័យស្លន់ស្លោ ជិ:ម៉ូតូរត់គេចបន្តរហូតដល់ប៉ុស្តិ៍នគរបាលព្រៃខ្លា ក៏បត់ក្រោយមកបុកចំពីមុខរថយន្តរបស់លោកអធិការ ខណ:ពេលដែលលោកអធិការកំពុងដេញតាមពីក្រោយ ក៏បណ្តាលរងការខូចខាតយ៉ាងដំណំនឹងបណ្តាលអោយជនសង្ស័យម្នាក់រងរបួសបាក់ភ្លៅ។
លោក អ៊ុង ផាន អធិការស្រុកស្វាយអន្ទរបានអោយអ្នកសារព័ត៌មានយើងដឹងថា ជនសង្ស័យទាំងពីនាក់នោះជាជនជាតិចិនទី១,មានឈ្មោះ ជិញ ឈាវ ភេទប្រុស អាយុ៣២ ឆ្នាំទី២,ឈ្មោះ ធាន ឈួយ ភេទប្រុស អាយុ៣៥ ឆ្នាំនាក់ទាំងពីរមាន
ទីកំណើតនៅភូមិ កានថាង ឃុំ ធីង ធ័ន ស្រុក លាវជាំង ខេត្តក្វាងស៊ី សមត្ថកិច្ចក៏បាននាំខ្លួនជនសង្ស័យទាំង២
ទៅអធិការដ្ឋាននគរបាលស្រុកស្វាយអន្ទរ។ រីឯជនសង្ស័យម្នាក់ដែលរងរបួសបាក់ភ្លៅ ត្រូវបានដឹកយកទៅសង្គ្រោះនៅមន្ទីពេទ្យបង្អែកខេត្តព្រៃវែង។
បច្ចុប្បន្នសមត្ថកិច្ចកំពុងធ្វើការសាកសួរ នឹងក៏សាងសុំណុំរឿងដើម្បីចាត់ការតាមនិតិវិធី ហើយក៏កំពុងស្រាវជ្រាវរកជនសង្ស័យ២នាក់ទៀត ដែលជាបក្សពួកដើម្បីធ្វើការឃាត់ខ្លួនជាបន្តទៀត៕
