ភ្នំពេញ ៖ បុរសម្នាក់បានបេីកកង់បីឥណ្ឌាដឹកភ្ញៀវឆ្លងកាត់ផ្លូវបំបែកជាបួន ស្រាប់តែមានរថយន្តស៊េរីទំនេីបម៉ាកLexlus មកបុកចំពីចហៀងពេញទំហឹងបណ្ដាលឲ្យរងការខូចខាត សំណាងល្អដែរមិនបង្កឲ្យមនុស្សរងរបួស ។
ហេតុការណ៍គ្រោះថ្នាក់ចរាចរណ៍ខាងលេីនេះបាននកេីតឡេីងកាលពីវេលាម៉ោង២ និង៤០នាទីរំលងអាធ្រាត្រ ឈានចូលថ្ងៃទី១០ ខែកញ្ញា ឆ្នាំ២០២០ ស្ថិតនៅតាមបណ្ដោយផ្លូវលេខ៣៦០ កែងផ្លូវលេខ១០៥ ក្នុងសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា នៅពេលកេីតហេតុគេឃេីញកង់បីឥណ្ឌា(PassApp ) ពណ៌ស ពាក់ស្លាកលេខភ្នំពេញ 1IH -4714 បេីកបរដោយបុរសម្នាក់ ដឹកភ្ញៀវបុរស២នាក់ជាជនជាតិបរទេស ធ្វេីដំណេីរតាមបណ្ដោយផ្លូវលេខ៣៦០ ទិសដៅពីកេីតមកលិច ខណៈកំពុងឆ្លងកាត់ផ្លូវបំបែកជាបួន ស្រាប់តែមានរថយន្តស៊េរីទំនេីបម៉ាកLexlus NX300 ពណ៌ស ពាក់ស្លាកលេខភ្នំពេញ 2AT -5266 បេីកបរដោយបុរសម្នាក់ រួមទាំងមានមិត្តភ័ក្ត្រ១ទៅ២នាក់ទៀត ធ្វេីដំណេីរតាមបណ្ដោយផ្លូវលេខ១០៥ ទិសដៅពីជេីងមកត្បូងក្នុងល្បឿនលឿនមធ្យម ក៏បានជ្រុលបុកកង់បីឥណ្ឌា ពីចំហៀងខាងស្ដាំទាំងកំរោល បណ្ដាលឲ្យរងការខូចខាត ចំណែករថយន្តLexlus ក៏ខូចខាតកាងខាងមុខចំហៀងខាងឆ្វេងផងដែរ ។
ក្នុងករណីគ្រោះថ្នាក់ចរាចរណ៍ខាងលេីនេះ មិនបណ្ដាលឲ្យមនុស្សណាម្នាក់រងរបួសនោះឡេីយ តែភាគីទាំងពីរចចារគ្នាមិនត្រូវ ដោយម្ខាងចង់ស្មេី ម្ខាងចង់បានសំណង ទេីបភាគីទាំងពីរសម្រេចឲ្យសមត្ថកិច្ចជំនាញចរាចរណ៍ខណ្ឌបឹងកេងកង ធ្វេីការវាស់វែងយករថយន្តនិងកង់បីឥណ្ឌាខាងលេីនេះ ទៅរក្សាទុកដេីម្បីរង់ចាំដោះស្រាយតាមច្បាប់៕
