ខេត្តស្វាយរៀង៖នាព្រឹកថ្ងៃពុធ ១២រោច ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៤ ខែតុលា ឆ្នាំ២០២០នេះ នៅសាលប្រជុំសាលាស្រុកកំពង់រោទិ៍ លោក សុច ពិសី អភិបាល នៃគណៈអភិបាលស្រុកកំពង់រោទិ៍ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែតុលា និងទិសដៅការងារបន្តខែវិច្ឆិកា ឆ្នាំ២០២០ របស់រដ្ឋបាលស្រុក ។
អញ្ជើញ និងនិមន្តចូលរួមក្នុងកិច្ចប្រជុំនេះមាន ព្រះតេជគុណ ឈុន ឌីណា ព្រះគ្រូអនុគណស្រុក លោកស្រីអភិបាលរងស្រុក លោក លោកស្រីនាយករងរដ្ឋបាលសាលាស្រុក លោកអធិការរងនគរបាលស្រុក លោកមេបញ្ជាការកងរាជអាវុធហត្ថស្រុក លោកមេបញ្ជាការរងផ្នែកសឹកស្រុក លោក លោកស្រីប្រធាន-អង្គភាពចំណុះសាលាស្រុក លោកនាយប៉ុស្តិ៍ការពារព្រំដែន លោកមេបញ្ជាការយោធាការពារព្រំដែន លោក លោកស្រីមេឃុំ លោក លោកស្រីប្រធានមណ្ឌលសុខភាព និងមន្ត្រីពាក់ព័ន្ធមួយចំនួនទៀត ។
មានប្រសាសន៍ក្នុងឱកាសនោះ លោកអភិបាលស្រុក បានថ្លែងអំណរគុណ និងកោតសរសើរចំពោះលោក លោកស្រីថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធអាជ្ញាធរ មូលដ្នានក្នុងស្រុកកំពង់រោទិ៍ ដែលបានសហការល្អក្នុងការអនុវត្តតួនាទី ភារកិច្ចរបស់ខ្លួនក្នុងការផ្តល់សេវា ការរក្សាបាននូវសន្ដិសុខ សុវត្ថិភាពល្អប្រសើរជូនដល់បងប្អូនប្រជាពលរដ្ឋ ។
នៅក្នងកិច្ចប្រជុំនេះលោកអភិបាលស្រុក ក៏បានផ្តាំផ្ញើដល់អាជ្ញាធរពាក់ព័ន្ធនូវចំណុចសំខាន់ៗមួយចំនួនដូចខាងក្រោម ៖
១. អជ្ញាធរមូលដ្ឋានត្រូវចុះពិនិត្យដានជាប្រចាំ និងត្រៀមរកទីទួល ដើម្បីជម្លៀសប្រជាពលរដ្ឋ និងសត្វពាហនៈ
២. អាជ្ញាធរឃុំ ត្រូវជម្រុញឲ្យប្រជាពលរដ្ឋដែលគ្រប់អាយុបោះឆ្នោតឲ្យទៅចុះឈ្មោះបោះឆ្នោតបានគ្រប់គ្នា
៣. អាជ្ញាធរឃុំត្រូវរាយការណ៍ជាឲ្យបានទៀងទាត់នូវការជន់លេចនូវជំនាន់ទឹកភ្លៀង ដែលធ្វើឲ្យប៉ះពាល់ដល់ហេដ្ឋារចនា សម្ព័ន្ធ មានផ្លូវ ប្រឡាយ ផ្ទះសម្បែង និងផ្ទៃដីបង្កបង្កើនផល
៤. កងកម្លាំងប្រដាប់អាវុធត្រូវត្រៀមលក្ខណៈអន្តរាគមន៍មានកម្លាំងសរុប មធ្យោបាយសរុប ដើម្បីត្រៀមបង្កាជួយសង្គ្រោះប្រជាពលរដ្ឋដែលជន់លេចលង់ដោយសារជំនាន់ទឹកភ្លៀង
៥. ការិយាយកសិកម្ម ធនធាន ធម្មជាតិ និងបរិស្ថាន ត្រូវត្រៀមវ៉ាក់សាំងចាក់បង្កា និងព្យាបាល សត្វពាហនៈជូនប្រជាពលរដ្ឋឲ្យទាន់ពេលវេលា។
៦.បន្តយកចិត្តទុកដាក់ថែរក្សាសន្តិសុខ សណ្តាប់ធ្នាប់សង្គម និងសុវត្ថិភាពនៅក្នុងស្រុកឲ្យបានល្អប្រសើរ។ដោយលោក អុិន បូរ៉ា BPN News
