ខេត្តកណ្តាល៖ បើទោះបីជាក្លឹបសម្សាន្តនឹង«KTV»នានាទូទាំងប្រទេសត្រូវបានបិទលែងឱ្យដំណើរការ ហើយដោយកែរមកជាភោយនីយដ្ឋានតាមគោលការណ៍រាជរដ្ឋភិបាល ដើម្បីទប់ស្កាប់ជំងឺកូវីដ១៩ តែKTVនៅក្នុងអាហារដ្ឋានព្រែកតាមាក់ ធ្លាប់ធ្វើកិច្ចសន្យា០២ដងហើយក្តី គឺនៅដំណើការបានយ៉ាងរលូន ពោលគឺសកម្មភាពកំពុងគគ្រឹកគ្រេងភ្លូកទឹកភ្លូកដីតែម្តង។
ជាក់ស្ដែងនៅថ្ងៃទី០៨ ខែតុលា ឆ្នាំ២០២០សមត្ថកិច្ចបានចុះធ្វើកិច្ចសន្យានឹងអប់រំ ជាលើកទី០២ហើយក្តី តែខារ៉ាអូខេKTVនៅក្នុង អាហារដ្ឋានព្រែកតាមាក់ ដែលមានទីតាំងស្ថិតនៅគល់ស្ពានព្រែកតាមាក់ ភូមិព្រែកតាមាក់ ឃុំព្រកតាមាក់ ស្រុកខ្សាច់កណ្ដាល ខេត្តកណ្ដាល កំពុងបើកដំណើរការរាំច្រៀងកម្សាន្ត ហ៊ោរកញ្ច្រៀវ យ៉ាងពេញបន្ទុក «ខណៈទីតាំងជាប់គ្នាម្ចាស់តែមួយ»។
សកម្មភាពទាំងនេះស បញ្ជាក់ឱ្យឃើញថា បទបញ្ជារបស់ប្រមុខរាជរដ្ឋាភិបាល ដែលកំណត់ឱ្យបិទក្លឹបកម្សាន្តនិងKTV គឺគ្មានប្រសិទ្ធភាពសម្រាប់អាជ្ញាធរនឹងសមត្ថកិច្ចស្រុកខ្សាច់កណ្ដាល ខេត្តកណ្ដាល។
ប្រភពបានឱ្យដឹងថា៖ KTVបានបើកដំណើរការយូមកហើយ ពោលគឺបើករហូត មិនដែលបិទឡើយ ទោះមានកិច្ចសន្យានឹងអប់រំ០២លើកក៏ដោយ នឹងបើទោះបីជារាជរដ្ឋាភិបាលតម្រូវឱ្យបិទ។
គេមិនដឹងថា ថៅកែក្លឹបKTVនឹងអាហារដ្ឋានមួយនេះមានខ្សែស្រឡាយឬខ្នងបង្អែករឹងមាំ ធំប៉ុណ្ណានោះទេ។
គ្រាន់តែគេដឹងថា៖ KTVមួយនេះ បើកដំណើរការជាចំហរ «ដោយជ្រកក្រោមផ្លាក កែមកជាភោជនីយដ្ឋានព្រែកតាមាក់» ។
តាមពិតគេកែតែអក្សរ ផ្លាកឈ្លោះខាងក្រៅ ប៉ុណ្ណោះ រីឯសកម្មភាពជាក់ស្ដែង ទទួលភ្ញៀវមកច្រៀងរាំណែនពេញៗបន្ទប់KTVរាល់ថ្ងៃ។
បញ្ជាក់ថា៖នៅយប់ទី១០ខែតុលាឆ្នាំ២០២០ គេឃើញមានភ្ញៀវមកចូលច្រៀងKTVនៅក្នុង អាហារដ្ឋានព្រែកតាមាក់ យ៉ាងច្រើនកុះករបន្តររាល់យប់។
ជាមួយគ្នានោះ ក្រុមនារីៗ នៅក្នងKTVបានប្រាប់ថា៖ សម្រាប់KTV នៅទីនេះសូមបងកុំភ័យឱ្យសោះ បើកដំណើរការរហូត នឹងសុវត្ថិភាព១០០%
គ្មានការបង្ក្រាប ឬហាមឃាត់ពីសំណាក់អាជ្ញាធរនិងសមត្ថកិច្ចឡើយ ចំណែកស្រីស្អាតវិញ ក៍មិនខ្វះដែរ។
ដោយមេការហៅនារីៗស្អាតៗ ឱ្យមកឈរតម្រៀបជួរ សម្រាប់រើសយកមក កំដរឱបថើបច្រៀងចាក់ស្រាឱ្យភ្ញៀវផឹកដោយសេរី។
ធ្វើឱ្យមាហាជនដាក់ការសង្ស័យថា៖ថៅកែមានខ្សែស្រឡាយនឹងខ្នងបង្អែកអ្នកធំ រឹងមាំ នៅពីក្រោយរឺថៅកែនោះអាចនឹងចាត់ចែង រត់ការចែកប្រយោជន៍ជាមួយអាជ្ញាធរនឹងមន្ត្រីជំនាញ ទើបគេធ្មេចភ្នែកធ្វើមិនដឹងមិនឮបែបនេះ។
ឆ្លើយតបនឹងការលើកឡើងខាងលើលោកម៉ែន សុខឃឿន អធិការស្រុកខ្សាច់កណ្ដាលបានប្រាប់ថា នៅថ្ងៃ១៤ ខែតុលា ឆ្នាំ២០២០នេះថា៖ គាត់បានឲ្យកម្លាំងចុះធ្វើកិច្ចសន្យាហើយបើនៅលួចបើកចឹងចាំមកពីមើលគ្រោះទឹកជំនន់ខាងលើហើយ បើមានចាំហៅកម្លាំងចុះអន្តរាគមន៍តែម្តង។
ចំណែកលោកប៊ុន ផេងអភិបាលស្រុកខ្សាច់កណ្ដាលមិនអាចសំការបកស្រាយបានទេព្រោះខលមិនចូល។
មជ្ឈដ្ឋានខាងក្រៅបានរិៈគន់ថា៖ បទបញ្ជារបស់ប្រមុខរាជរដ្ឋាភិបាល ដែលត្រូវឱ្យបិទក្លឹបនឹងKTV ដើម្បីទប់ស្កាត់ជំងឺកូវីដ១៩នោះ គឺគ្មានប្រសិទ្ធភាពទេក្នុងខេត្តកណ្ដាលខណៈម្ចាស់អាហារដ្ឋានព្រែកតាមាក់បើកKTV នៅស្រុកខ្សាច់កណ្តាល កំពុងបើកដំណើរការយ៉ាងគគ្រឹកគគ្រេងរាល់ថ្ងៃ៕
