ខេត្ដស្វាយរៀង៖នាព្រឹកថ្ងៃព្រហស្បតិ៍ ៥រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៥ ខែវិច្ឆិកា ឆ្នាំ២០២០ នៅសាលប្រជុំសាលាស្រុកស្វាយជ្រំ មានរៀបចំសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលក្រុង និងសង្កាត់ (២០២១-២០២៣) នៅថ្នាក់ស្រុក ឆ្នាំ២០២០ ក្រោមអធិបតីភាពឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត ដោយមានការចូលរួមពីលោក លោកស្រី ប្រធាន អនុប្រធានមន្ទីរ អង្គភាពនានាក្នុងខេត្ត លោកប្រធានក្រុមប្រឹក្សាស្រុក គណៈអភិបាលស្រុក លោកមេឃុំ ស្មៀនទាំង១៦ឃុំ និងមន្ត្រីរាជការសាលាស្រុកព្រមទាំងតំណាងអង្គការ សមាគមដៃគូ និងអ្នកពាក់ព័ន្ធនានា សរុប ចំនួន ៨២នាក់ ។
លទ្ធផល នៃអង្គសិក្ខាសាលា មានដូចខាងក្រោម៖ នៅឆ្នាំ២០២១ ខាងមុខគម្រោងវិនិយោគស្រុកស្វាយជ្រំមានគាំទ្រគម្រោងឃុំ សរុប២៨៤ គម្រោង
ស្មើនឹង៣៥,៩៥% (គាំទ្រក្រៅគម្រោង ១០១ ស្មើនឹង ៣៥.៥៦% គាំទ្រក្នុងគម្រោង ១៨៣ ស្មើនឹង៦៤,៤៤%) គម្រោងក្នុងស្រុកសរុប ២៦គម្រោង គម្រោងស្រុកទទួលការគាំទ្រសរុប ០៨គម្រោងស្មើនឹង៣០,៧៧% គាំទ្រក្នុងគម្រោងស្រុក ៣គម្រោង ស្មើនឹង៣៧,៥% គាំទ្រក្រៅគម្រោងស្រុក ៥គម្រោង ស្មើនឹង៦២,៥%៕
