ព្រះសីហនុ ៖ ករណីគ្រោះថ្នាក់ចរាចរណ៍មួយបានបណ្តាលឲ្យទូATM របស់ធនាគារអេស៊ីលីដា និងឱសថស្ថាន(ចំរើន ច័ន្ទលីដា1) មួយកន្លែងត្រូវរងការខូចខាតស្ទើរទាំងស្រុង។
ករណីគ្រោះថ្នាក់ចរាចរណ៍ខាងលើនេះកើតឡើងនៅវេលាម៉ោង១៥ នឹង២០នាទី ថ្ងៃទី០៥ ខែវិច្ឆិកា ឆ្នាំ២០២០ ដែលបង្កឡើងដោយរថយន្តធន់ធំមួយគ្រឿងមិនស្គាល់ម៉ាក ពាក់ស្លាក់លេខព្រះសីហនុ 3A-2435 មានក្បាលពណ៌សរ ទ្រុងក្រោយពណ៌ប្រផេះ ចំណុចកើតហេតុជាប់រង្វង់មូលតោពីរស្ថិតក្នុងភូមិ៣ សង្កាត់លេខ៤ក្រុងខេត្ដព្រះសីហនុ។
ក្នុងឧបទ្ទវហេតុគ្រោះថ្នាក់ចរាចរណ៍នេះផងដែរបានបណ្តាលឲ្យមនុស្សពីរនាក់ដែលជាតៃកុង និងព្រូរថយន្តរងរបួសស្រាល នឹងផ្នែកខាងមុខនៃរថយន្តខូចខាតយ៉ាងដំណំ ចំណែកទូATM និងឱសថស្ថានត្រូវរងការខូតខាតស្ទើរទាំងស្រុង។
ក្រោយកើតហេតុគេឃើញជំនាញចរាចរណ៍ចុះមកវាស់វែង និងយករថយន្តទៅរក្សាទុកនៅស្នងការដ្ឋាននគរបាលចរាចរណ៍ផ្លូវគោកដើម្បីរងចាំការដោះស្រាយតាមផ្លូវច្បាប់៕
