ភ្នំពេញ ៖ នាព្រឹកថ្ងៃសៅរ៍ ៧រោច ខែ កត្តិក ឆ្នាំ ជូត ទោស័ក ត្រូវនឹងថ្ងៃទី ០៧ ខែ វិច្ឆិកា ឆ្នាំ ២០២០ នៅទីស្នាក់ការគណបក្ស ខណ្ឌមានជ័យ បានរៀបចំកិច្ចប្រជុំជីវភាពប្រចាំខែ របស់ក្រុមការងារ ចុះជួយ ខណ្ឌ- សង្កាត់ទាំង៧ ដែលមានអ្នកចូលរួមសរុប ២៨០ នាក់ ក្រោមអធិបតីភាពដ៍ខ្ពង់ខ្ពស់ ឯកឧត្ដម ប៉ា សុជាតិវង្ស ប្រធានគណៈកម្មាធិការគណបក្សរាជធានីភ្នំពេញ និងជាប្រធានក្រុមការងារចុះជួយខណ្ឌមានជ័យ ។
👉 ដោយមានការអញ្ជើញចូលរួម ពី៖
– ឯកឧត្តម លោកជំទាវ ប្រធាន- អនុប្រធាន ក្រុមការងារចុះជួយ សង្កាត់ទាំង៧ ។
– សមាជិក សមាជិកា ក្រុមការងារចុះជួយសង្កាត់ទាំង៧ ។
– លោក លោកស្រីប្រធាន-អនុប្រធានសាខាបក្សភូមិទាំង៦១ ។
👉នាឱកាសនោះផងដែរ លោក ពេជ្រ កែវមុនី ប្រធានគណះបក្សខណ្ឌមានជ័យ បានធ្វើសេចក្តីរាយការណ៍ពីរបាយការណ៍ ផែនការអនុវត្តន៍ ទិសដៅបន្តរបស់គណះបក្សខណ្ឌជូន ប្រធានគណះអធិបតី និង ឯកឩត្តម លោកជំទាវក្រុមការងារ សមាជិក សមាជិកា ផងដែរ ។
👉បន្ទាប់មក ឯកឧត្ដម ប៉ា សុជាតិវង្ស ប្រធានគណៈកម្មាធិការគណបក្សរាជធានីភ្នំពេញ និង ជាប្រធានក្រុមការងារចុះជួយខណ្ឌមានជ័យ បានលើកឡើងអំពីការងារមួយចំនួន ដូចខាងក្រោម៖
១. ដឹកនាំអនុវត្តកម្មវិធីរបស់គណបក្ស ។
២. ជួយពង្រឹង និង ពង្រីក សមាជិកបក្ស តាមផែនការដែរបានដាក់ជូន ។
៣. ត្រូវយកចិត្តទុកដាក់លើបញ្ជី ការងារបោះឆ្នោតដោយផ្ទៀងផ្ទាត់សមាជិក អោយបានត្រឹមត្រូវ ។
៤. ដោះស្រាយ បញ្ហាប្រឈម របស់ប្រជាពលរដ្ឋ ។
៥ . ទប់ស្កាត់បញ្ហាជំងឺកូវីដ-១៩ ។
