ខេត្តស្វាយរៀង ៖ នាព្រឹកថ្ងៃសុក្រ១៣ រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែវិច្ឆិកា ឆ្នាំ២០២០នេះ នៅសាលប្រជុំសាលាស្រុកកំពង់រោទិ៍ លោក សុច ពិសី អភិបាល នៃគណៈអភិបាលស្រុកកំពង់រោទិ៍ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងទិសដៅការងារបន្តខែធ្នូ ឆ្នាំ២០២០ របស់រដ្ឋបាលស្រុក ។
អញ្ជើញ និងនិមន្តចូលរួមក្នុងកិច្ចប្រជុំនេះមាន ព្រះតេជគុណ ឈុន ឌីណា ព្រះគ្រូអនុគណស្រុក លោកលោកស្រីអភិបាលរងស្រុក លោក លោកស្រីនាយករងរដ្ឋបាលសាលាស្រុក លោកអធិការរងនគរបាលស្រុក លោកមេបញ្ជាការកងរាជអាវុធហត្ថស្រុក លោកមេបញ្ជាការរងផ្នែកសឹកស្រុក លោក លោកស្រីប្រធាន-អង្គភាពចំណុះសាលាស្រុក លោកនាយប៉ុស្តិ៍ការពារព្រំដែន លោកមេបញ្ជាការយោធាការពារព្រំដែន លោក លោកស្រីមេឃុំ លោក លោកស្រីប្រធានមណ្ឌលសុខភាព និងមន្ត្រីពាក់ព័ន្ធមួយចំនួនទៀត ។
មានប្រសាសន៍ក្នុងឱកាសនោះ លោកអភិបាលស្រុក បានថ្លែងអំណរគុណ និងកោតសរសើរ និងវាយតម្លៃខ្ពស់ចំពោះលោក លោកស្រីថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធអាជ្ញាធរមូលដ្នាននៅក្នុងស្រុកកំពង់រោទិ៍ ក៍ដូចជាកងកម្លាំងដែលឈរជើងនៅតាមបន្ទាត់ព្រំដែន ដែលបានសហការល្អក្នុងការអនុវត្តតួនាទី ភារកិច្ចរបស់ខ្លួនក្នុងការផ្តល់សេវា ការរក្សាបាននូវសន្ដិសុខ សុវត្ថិភាពល្អប្រសើរជូនដល់បងប្អូនប្រជាពលរដ្ឋ និងចូលរួមទាំងអស់គ្នាដើម្បីការពារពីការរីករាលដាលនៃជំងឺកូវីដ-១៩ នៅក្នុងមូលដ្ឋាន។
នៅក្នងកិច្ចប្រជុំនេះលោកអភិបាលស្រុកបានណែនាំជូនដល់មន្រ្តីអាជ្ញាធរពាក់ព័ន្ធនូវចំណុចសំខាន់ៗមួយចំនួនដូចខាងក្រោម ៖
១. អាជ្ញាធរមូលដ្ឋាន ត្រូវចុះជម្រុញប្រជាពលរដ្ឋដែលទទួលបានស្រូវពូជទាំងអស់ឲ្យធ្វើការបង្ករបង្កើនផលឲ្យទាន់រដូវ
២. អាជ្ញាធរឃុំ និងការិយាល័យកសិកម្មស្រុក ត្រូវបន្តតាមដានផលដំណាំរបស់ប្រជាពលរដ្ឋកុំឲ្យមានផលប៉ះពាល់បំផ្លាញដោយសត្វល្អិត ដើម្បីមានមូលដ្ឋានចាត់វិធានការអន្តរាគមន៍បានទាន់ពេល
៣. អាជ្ញាធរឃុំ ត្រូវផ្សព្វផ្សាយ និងអប់រំប្រជាពលរដ្ឋ ឲ្យចេះថែរក្សាទឹកទុក ដើម្បីទុកបង្កបង្កើនផលនារដូវប្រាំងខាងមុខ
៤. ត្រូវបន្តតាមដានទិន្នន័យប្រជាពលរដ្ឋអំពីការទទួលបានប្រាក់ឧបត្ថម្ភ គោលនយោបាយរបស់រាជរដ្ឋាភិបាលក្នុងកំឡុងពេលកូវីត-១៩
៥. ការិយាល័យជំនាញពាក់ព័ន្ធ ព្រមទាំងអាជ្ញាធរមូលដ្ឋានត្រូវបន្តត្រួតពិនិត្យតាមដានទិន្នន័យស្ត្រីមានផ្ទៃពោះដែលទទួលបានប្រាក់ឧបត្ថម្ភពីរដ្ឋាភិបាលកម្ពុជា
៦. ត្រៀមរៀបចំ និងចូលរួមវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនាពេលឆាប់ៗខាងមុខ ។
