ខេត្ដកំពង់ចាម៖សមត្ថកិច្ចនគរបាលស្រុកជើងព្រៃ ថ្ងៃទី១៤ ខែវិច្ឆិកា ឆ្នាំ២០២០ បានបង្ក្រាបបទល្មើសគ្រឿងញៀនមួយករណី ឃាត់ខ្លួនជនសង្ស័យបាន ៨នាក់រួមនឹងវត្ថុតាងមួយចំនួន នៅចំណុចផ្លូវបេតុង ស្ថិតក្នុងភូមិភ្នៅលិច ឃុំព្រៃចារ ស្រុកជេីងព្រៃ ខេត្តកំពង់ចាម។
បើតាម លោក អូត ឈាងលី អភិបាលនៃគណៈអភិបាលស្រុកជើងព្រ បានអោយដឹងថា នៅថ្ងៃកើតហេតុ វេលាម៉ោង១២និង២០នាទី នៅចំណុចផ្លូវបេតុង ស្ថិតក្នុងភូមិភ្នៅលិច ឃុំព្រៃចារ ស្រុកជើងព្រៃ ដោយបានការអនុញាតិពី លោក ហាក់ ហ៊ាន់ ព្រះរាជអាជ្ញារងអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត សហការមួយជំនាញអធិការរដ្ឋាននគរបាលស្រុកជើងព្រៃ ដឹកនាំដោយលោកវរសេនីយ៍ទោ ស្រី សុគន្ធនាយការិយាល័យប្រឆាំងគ្រឿង បានបើកកិច្ចប្រតិបត្តិការចុះ បង្ក្រាបករណីជួញដូរ និងប្រើប្រាស់ ដោយខុសច្បាប់នូវសារធាតុញៀន ០១ ករណីដោយប្រេីវិធានញុះញង់ ឈានទៅឃាត់ខ្លួនជនសង្ស័យចំនួន ០៨នាក់។
ក្នុងនោះ១.ឈ្មោះ ឱ សុជាត្រា ភេទប្រុស អាយុ១៨ឆ្នាំ សញ្ជាតិខ្មែរ មុខរបរកម្មករលេីកទឹកកក នៅភូមិសង្កែពង ឃុំស្រម៉រ ស្រុកជេីងព្រៃ ខេត្តកំពង់ចាម។២ ឈ្មោះ វ៉ន ផាន់និត ភេទប្រុស អាយុ១៨ឆ្នាំ សញ្ជាតិខ្មែរ មុខរបរមិនពិតប្រាកដ នៅភូមិសង្កែពង ឃុំស្រម៉រ ស្រុកជេីងព្រៃ ខេត្តកំពង់ចាម។៣ .ឈ្មោះ ជឺន សីហា ភេទប្រុស អាយុ១៨ឆ្នាំ សញ្ជាតិខ្មែរ មុខរបរជាងឡាន នៅភូមិកោះចិន ឃុំកោះចិន ស្រុកពញ្ញាឮ ខេត្តកណ្តាល។
៤. ឈ្មោះ គីម ណាល់ ភេទប្រុសអាយុ១៩ឆ្នាំ សញ្ជាតិខ្មែរ មុខរបរលាងរថយន្ត នៅភូមិប៉ាណា ឃុំសូទិព្វ ស្រុកជេីងងព្រៃ ខេត្តកំពង់ចាម។
៥. ឈ្មោះ ឈិន សុខលុន ភេទប្រុស អាយុ១៩ឆ្នាំ សញ្ជាតិខ្មែរ មុខរបរជាងផ្សាដែក នៅភូមិសង្កែពង ឃុំស្រម៉រ ស្រុកជេីងព្រៃ ខេត្តកំពង់ចាម។៦ .ឈ្មោះ ទេព សារុន ភេទប្រុស អាយុ៣៤ឆ្នាំ សញ្ជាតិខ្មែរ មុខរបរបេីកបរ នៅភូមិសង្កែពង ឃុំស្រម៉រ ស្រុកជេីងព្រៃ ខេត្តកំពង់ចាម។
៧. ឈ្មោះ សំ ដារ៉ា ភេទប្រុស អាយុ៣៤ឆ្នាំ សញ្ជាតិខ្មែរ មុខរបរលក់ដូរ នៅភូមិរវៀង ឃុំខ្នុរដំបង ស្រុកជេីងព្រៃ ខេត្តកំពង់ចាម។
៨. ឈ្មោះ សាយ វណ្ណី ភេទប្រុស អាយុ២៦ឆ្នាំ សញ្ជាតិខ្មែរ មុខរបរកម្មករ នៅភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម។
លោកអភិបាលស្រុកបានឲ្យដឹងទៀតថា ក្នុងប្រតិបត្តិការនេះដែរ សមត្ថកិច្ចជំនាញបានដកហូតវត្ថុតាងមួយចំនួនរួមមាន៖ម្សៅក្រាមពណ៍សសង្ស័យជាថ្នាំញៀនចំនួន០៨កញ្ជប់ ទូរស័ព្ទដៃចំនួន០៩គ្រឿង ម៉ូតូចំនួន០៣គ្រឿង ប្រាក់ញុះញង់ចំនួន៥មុឺនរៀល ថង់វេចខ្ចប់មួយចំនួនផងដែរ។រីឯជនសង្ស័យខាងលេី ត្រូវបាននាំខ្លួនទៅអធិការដ្ឋាននគរបាលស្រុកជើងព្រៃ ដើម្បីធ្វើការស្រាវជ្រាវ និងកសាងសំណុំរឿងតាមនិតិវិធី បញ្ជូនទៅសាលាដំបូងខេត្តកំពង់ចាមចាត់ការបន្ត៕ដោយ៖ នួន សត្យា
