ភ្នំពេញ៖ បុរសឈ្មោះសា រុន អាយុ៣៩ឆ្នាំ មានលំនៅ ភូមិ កាន់ទ្រុង សង្កាត់ពន្សាំង បានឲ្យដឹងថា នៅម៉ោងប្រមាណ១០យប់ថ្ងៃទី១៧ខែ វិច្ឆិកា ឆ្នំា២០២០ គាត់និងបងប្រុស បានដើរឆ្លុះបាញ់សត្វនៅក្នុងព្រៃ ស្រាប់តែធំក្លិនស្អុយ ។លុះដើរបន្តិចក៏៏ប្រទះឃើញ បំណែកដៃសាកសពរាយប៉ាយពីគ្នា។ ពួកគាត់បានប្រញាប់ត្រឡប់មកផ្ទះ ហើយ រាយការណ៍ប្រាប់នគរបាលចុះទៅទាំងយប់។ នៅព្រឹកថ្ងៃ១៨ខែវិច្ឆិកា ឆ្នំា២០២០ នគរបាលមូលដ្ឋានខណ្ឌព្រែកព្នៅបានចុះទៅកន្លងកើតហេតុដើម្បីពិនិត្យ។
បំណែកសាកសពមួយត្រូវបានប្រជាពលរដ្ឋដើរបាញ់សត្វ ប្រទះឃើញ នៅក្នុងព្រៃ ឬស្សីកណ្តាលវាលនៅចំណុចទួលអ្នកតា៤មុខ ក្នុងភូមិ កោះរងៀង សង្កាត់ពន្សាំង ខណ្ឌព្រែកព្នៅ ។
សាកសពនេះគេពុំអាចកំណត់បានថា ប្រុសឬស្រីនោះឡើយព្រោះសព មានសភាព ស្អុយរលួយ។លលាដ៍ក្បាល, ដៃ និងដងខ្លួននៅដាច់ដោយឡែកពីគ្នា ។ ប៉ុន្តែប៉ូលិស សន្និដ្ឋានថាជាភេទស្រី។
សន្និដ្ឋានរបស់នគរបាល គឺសពមានភេទជាស្ត្រី។ ការបាត់បង់ជីវិតអាចបណ្តាលមកពីចងកដែលមានរយៈពេល ជាងមួយខែមកហើយ សពនៅពេលស្អុយរលួយត្រូវបានសត្វពាំអូស ទៅជាបំណែកៗ ។ គេពុំទាន់ស្គាល់អត្តសញ្ញាណសពទេ។
សមត្ថកិច្ចបានយកកង់ឡានទៅ ដុតចោល នៅណ្តាលវាលនោះតែម្តង៕
