ខេត្ដត្បូងឃ្មុំ៖ នៅថ្ងៃទី១៨ខែវិច្ឆិកាឆ្នាំ២០២០ វេលាម៉ោង១៥និង៣០នាទី នៅអធិការដ្ឋាននគរបាលស្រុកអូររាំងឪ លោកវរសេនីយ៍ឯក លឿង រដ្ឋា អធិការស្រុកអូរាំងឪ បានធ្វើការដឹកនាំ កិច្ចប្រជុំពិសេសមួយ ដើម្បីផ្សព្វផ្សាយផែនការរបស់លោកឧត្តមសេនីយ៍ស្នងការស្តីអំពីត្រួតពិត្យការងារអត្តសញ្ញាណប័ណ្ណដែលនៅកកសល់។
សមាសភាពចូលរួមមានលោកអធិការរងទទួលការងារអត្តសញ្ញាណប័ណ្ណ លោកនាយ នាយរងប៉ុស្តិ៍ទាំង៧ដែលទទួលការងារអត្តសញ្ញាណប័ណ្ណ។
នៅក្នងឱកាសនោះដែរលោកវរសេនីយ៍ឯកលឿង រដ្ឋា ក៍បានជម្រុញឲ្យមន្ដ្រីដែលទទួលការងារអត្តសញ្ញាណប័ណ្ណទាំងអស់ឲ្យយកចិត្ដទុកដាក់នឹងបំរេីប្រជាពលរដ្ឋឲ្យបានទាន់ពេលវេលានឹងបានឆាប់រហ័សដេីម្បីឲ្យបងប្អូនប្រជាពលរដ្ឋយេីងយកទៅប្រេីប្រាស។ជាពិសេសនោះអត្តសញ្ញាណប័ណ្ណដែលនៅកកសល់ ត្រូវប្រកាស់ឫចុះចែកតាមខ្នងផ្ទះជួនដល់ពួកគាត់តាមតែអាចធ្វេីទៅបាននៅតាមបណ្ដាប៉ុស្ដិ៍នីមួយៗ៕
