ភ្នំពេញ៖នៅថ្ងៃទី២០ខែវិច្ឆិកាឆ្នាំ២០២០ ម៉ោង១៦ និង០០នាទី កម្លាំងប៉ុស្តិ៍នគរបាលក្រាំងធ្នង់ ឃាត់ខ្លួនជនសង្ស័យម្នាក់ ករណីរួមភេទជាមួយអនិតិជនអាយុ១៤ឆ្នាំ នៅចំណុចក្នុងផ្ទះសំណាក់បឹងឈូកបន្ទប់លេខ២០៦ ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (ជនសង្ស័យឃាត់ខ្លួនតាមបណ្តឹងរបស់ក្រុមគ្រួសាររបស់ជនរងគ្រោះ)។
សមត្ថកិច្ចបានឲ្យដឹងថា កាលពីថ្ងៃទី០៦ខែវិច្ឆិកាឆ្នាំ២០២០ ម៉ោង២១ និង០០នាទី បង្កដោយជនសង្ស័យម្នាក់មាន ឈ្មោះ រុំ ចាន់សារ៉ា ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) បានជិះម៉ូតូដឹកជនរងគ្រោះចូលផ្ទះសំណាក់បឹងឈូកដោះសំលៀកបំពាក់ធ្វើសកម្មភាពរួមភេទបានសម្រេចជាមួយ ជនរងគ្រោះឈ្មោះ ឡ.ស.ឡ ភេទស្រី អាយុ១៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅ ខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
