ភ្នំពេញ៖នៅថ្ងៃចន្ទ ៨កើត ខែមិគសិរ ឆ្នាំ ជូត ទោស័ក ព.ស. ២៥៦៤ ត្រូវនឹងថ្ងៃទី២៣ ខែវិច្ឆិកា ឆ្នាំ២០២០ វេលាម៉ោង ៧និង០០នាទីព្រឹក លោក វរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បានប្រជុំកម្លាំងគោរពទង់ជាតិ នៅអធិការដ្ឋាននគរបាលខណ្ឌដង្កោ ដោយមានការចូលរួម ពីលោក លោកស្រី អធិការរង លោកនាយផ្នែក នាយប៉ុស្ដិ៍ន មន្ត្រីក្រោមឱវាទទាំងអស់ ព្រមទាំងពង្រឹងដល់ផ្នែកជំនាញនៅពេលចុះអនុវត្ដច្បាប់ និងរាល់ការចុះបង្រ្កាបបទល្មើសនីមួយៗ ត្រូវយកចិត្តទុកដាក់ និងប្រុងប្រយ័ត្នជានិច្ច ហើយក៏បានផ្សព្វផ្សាយផែនការរបស់ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ សម្រាប់យកទៅអនុវត្ត តាមផែននីមួយៗឲ្យទទួលបានជោគជ័យ ពិសេសការពារសន្តិសុខ សណ្តាប់ធ្នាប់ ជួយសម្រួលចរាចរណ៍កុំឲ្យមានការកកស្ទះ ជូនប្រជាពលរដ្ឋនៅក្នុងភូមិសាស្ត្រខណ្ឌដង្កោ។
លើសពីនេះលោកអធិការក៏បានពង្រឹងដល់កងកម្លាំងទាំងអស់ត្រូវគោរពវិន័យកាត់សក់ខ្លី ហើយត្រូវថែរក្សាអនាម័យ ដោយលាងដៃជាមួយអាល់កុល ឬជែលលាងដៃ ពាក់ម៉ាស់ជាប្រចាំ និងវិធីការពារផ្សេងៗទៀតទៅតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ការរីករាលដាលនៃជម្ងឺកូវីដ-១៩៕
