ខេត្ដស្វាយរៀង៖ ព្រឹកថ្ងៃសុក្រ ១២កើត ខែមិគសិរ ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី២៧ ខែវិច្ឆិកា ឆ្នាំ២០២០នេះនៅសាលប្រជុំសាលាស្រុកកំពង់រោទិ៍ លោក សុច ពិសី អភិបាល នៃគណៈអភិបាលស្រុកកំពង់រោទិ៍ បានអញ្ជើញដឹកនាំកិច្ចប្រជុំគណៈអភិបាល និងអន្តរការិយាល័យមន្រ្តីការិយាល័យ ដើម្បីពិនិត្យមើលវឌ្ឍនភាពការងារប្រចាំថ្ងៃ ។
កិច្ចប្រជុំនេះមានការអញ្ជើញចូលរួមពីលោក លោកស្រីអភិបាលរងស្រុក លោក លោកស្រីនាយករងរដ្ឋបាលសាលាស្រុក លោក លោកស្រី ប្រធានការិយាល័យ-អង្គភាពនិងមន្រ្តីពាក់ព័ន្ធ ។
មានប្រសាសន៍ក្នុងឱកាសនោះ លោកអភិបាលស្រុកបានកោតសរសើរ និងវាយតម្លៃខ្ពស់ចំពោះវឌ្ឍនភាពការងារដែលមន្រ្តីរាជការ អង្គភាពចំណុះសាលាស្រុកទាំងអស់ដែលបានខិតខំប្រឹងប្រែងបំពេញការងារបានល្អកន្លងមក ។
បន្ថែមពីនេះលោកអភិបាលស្រុកក៍បានណែនាំដល់មន្រ្តីទាំងអស់ ត្រូវធ្វើការទៅតាមតួនាទី ភារកិច្ចដែលថ្នាក់នាំដាក់ជូន និងត្រូវខិតខំប្រឹងប្រែងធ្វើការងារ និងត្រូវមានសាមគ្គីភាពផ្ទៃក្នុង ដើម្បីសម្រេចបាន ការងារ ជាផ្លែផ្កា និងទទួលបានជោគជ័យ ៕
