ខេត្តកោះកុង ៖ ថ្ងៃអង្គារ ១ រោច ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១ ខែធ្នូ ឆ្នាំ២០២០ លោកជំទាវ មិថុនា ភូថង អភិបាលនៃគណៈអភិបាទខេត្តកោះកុង សូមថ្លែងអំណរគុណចំពោះលោកឧកញ៉ា សួរ វីរៈ អគ្គនាយកក្រុមហ៊ុន វីរៈ-ប៊ុនថាំ អេចប្រេសដែលបាននាំអំណោយជាគ្រឿងឧបភោគបរិភោជូនរដ្ឋបាលខេត្តដើម្បីចែកជូនដល់ពលរដ្ឋដែលមានជីវភាពក្រីក្រខ្វះខាតងាយនិងរងគ្រោះនៅក្នុងមូលដ្ឋាន។
សំភារៈដែលយកមកផ្តល់ជូនរួមមាន៖ អង្ករ ១០ តោន មី ២០ កេសធំ ត្រីខ ៥០យួរ ទឹកត្រី ៣០យួរ ទឹកសុីអុីវ ៣០ យួរ។
ឆ្លៀតក្នុងឪកាសនោះលោកស្រីអភិបាលខេត្តសូមជូនពរលោកឧកញ៉ាទទួលបាននូវពុទ្ធពរទាំង ៤ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡេីយ និងសូមឱ្យអាជីវកម្មលោកឧកញ៉ា ទទួលបានជោគជ័យ និងរីកចម្រេីនបន្ថែមទៀត៕
