ខេត្ដព្រៃវែង៖ ដោយមានការចង្អុលបង្ហាញពីលោកវរសេនីយ៍ឯកសួន សំអឿន អធិការនគរបាលស្រុកកំពង់ត្របែក លោក លោក នង ចាន់ អធិការរងទទួលបន្ទុកសន្តិសុខ ព្រមទាំងលោកវ៉ា សាមុត មេប៉ុស្តិ៍ប្រាសាទ នាយប់ថ្ងៃទី១ខែធ្នូឆ្នាំ២០២០បានដឹកនាំកម្លាំងសមត្ថកិច្ចយាមល្បាតតាមគោលដៅសំខាន់ៗនៅក្នុងមូលដ្ឋានស្រុកកំពង់ត្របែក ដេីម្បីរក្សាការពារសុវត្ថិភាពជួនប្រជាពលរដ្ឋ នឹងទប់ស្កាត់រាល់បទល្មេីសផ្សេងៗ។
ពេលដែលសកម្មភាពកម្លាំងសមត្ថកិច្ចយាមល្បាតតាមគោលដៅសំខាន់ៗនោះក៏បានប្រទះឃេីញបងប្អូនប្រកបមុខរបបរដឹកបន្លែពីភ្នំពេញយកទៅបោះអោយម៉ូយៗខាងស្វាយរៀង និងបាវិត តែជាចៃដន្យរថយន្តដឹកបន្លែបែកកង់នៅតាមណ្តោយផ្លូវជាតិលេខ១ ចំណុចទីតាំងភូមិជ្រលង រឺហៅថាម្តុំក្បាលក្របី ឃុំប្រាសាទ ស្រុកកំពង់ត្របែក ខេត្តព្រៃវែង ។
ឃើញដូច្នោះកម្លាំងសមត្ថកិច្ចដឹកនាំដោយលោក នង ចាន់ អធិការរងទទួលបន្ទុកសន្តិសុខ ព្រមទាំងលោកវ៉ា សាមុត មេប៉ុស្តិ៍ប្រាសាទ ដែលកំពុងយាមល្បាតទីតាំងភូមិសាស្ត្ររៀងរាល់យប់ក៏ជួបជាចៃដន្យ ក៏ជួយសម្រួលចរាចរណ៍ ថែមទាំងជួយលើកបន្លែដើម្បីងាយស្រួលក្នុងការដោះដូរសំបកកង់រថយន្តទាំងយប់។
ជាមួយគ្នានោះ លោកវរសេនីយ៍ឯកសួន សំអឿន អធិការនគបាលស្រុកកំពង់ត្របែក ក៏បានសំណូមពរដល់បងប្អូនប្រជាពលរដ្ឋក្នុងមូលដ្ឋានស្រុកកំពង់ត្របែកទាំងអស់ សូមមេត្តាជួយសហការណ៍ និងផ្តល់ព័ត៌មានមកកម្លាំងសមត្ថកិច្ចផង ប្រសិនបើបងប្អូនដឹងថាមានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសាធាតុញៀន និងបទល្មើសផ្សេងៗដើម្បីឲ្យកម្លាំងរបស់លោកចុះទៅបង្ក្រាបឲ្យបានទាន់ពេលវេលាផងដែរ៕
