ភ្នំពេញ ៖ នៅព្រឹកថ្ងៃទី០៣ ខែធ្នូ ឆ្នាំ២០២០ លោកស្រី Love Riya អ្នកលក់តាមអនឡាញ និងលោក ដែន សូនី បានមកតុលាការ នៃអយ្យការអមសាលាដំបូងរាជធានីភ្នំពេញ ដោយជួសមុខឲ្យជនជាប់ចោទ ទ្រី សុផានិត ដែលពាក់ព័ន្ធករណី បរិហារកេរ្ដិ៍ជាសាធារណៈ, ញុះញង់ឲ្យមានការរើសអើង និងអំពើរនៃការប្រកួតប្រជែងមិនស្មោះត្រង់ ដែលប្រព្រឹត្ដទៅនៅរាជធានីភ្នំពេញ។
តើលោកស្រី Love Riya និងលោក ដែន សូនី ត្រូវជាអ្វីនឹងជនជាប់ចោទ ទ្រី សុផានិត?
សូមជម្រាបជូនថា ជនជាប់ចោទ ទ្រី សុផានិត អាយុ៣៩ឆ្នាំ ត្រូវបានកម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ ចាប់ខ្លួននាព្រឹកថ្ងៃទី១៣ ខែវិច្ឆិកា ឆ្នាំ២០២០នេះ ស្ថិតនៅតាមផ្លូវ១៨២ ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ បន្ទាប់ពីកម្លាំងសមត្ថកិច្ច នៃនាយកដ្ឋានព្រហ្មទណ្ឌ ក្រសួងមហាផ្ទៃ បានបញ្ជូនជនជាប់ចោទ ទ្រី សុផានិត មកតុលាការដើម្បីបំភ្លឺ ប៉ុន្ដែស្រាប់តែមានអាការៈដូចខ្យល់ចាប់ដួលសន្លប់។
ខណៈនោះ មានការជួយជ្រោមជ្រែងពីលោកស្រី Love Riya និងគូរស្នេហ៍លោក ដែន សូនី បានយកទៅមន្ទីរពេទ្យ ប៉ុន្ដែអ្នកទាំង២អះអាងថា គ្រូពេទ្យមិនទទួលមើលអ្នកជំងឺនេះទេ ដោយឲ្យយកទៅមន្ទីរពេទ្យផ្សេងវិញ។
មានមតិសាធារណៈជន បានអះអាងថា ប្រសិនបើជនជាប់ចោទ ទ្រី សុផានិត ដួលសន្លប់មែននោះ សូមឲ្យលោកស្រី Love Riya និងលោក ដែន សូនី បញ្ជាក់ថា មន្ទីរពេទ្យមួយណាមិនទទួលអ្នកជំងឺ។
ពាក់ព័ន្ធនឹងករណីខាងលើនេះ នៅព្រឹកថ្ងៃទី០៣ ខែវិច្ឆិកា ឆ្នាំ២០២០នេះ នៅមុខសាលាដំបូងរាជធានីភ្នំពេញ លោក ដែន សូនី ដែអង្គុយចាំគួរស្នេហ៍ក្នុងរថយន្តសេរីទំនើបអត់ស្លាកលេខនោះ លោកបានប្រាប់អ្នកសារព័ត៌មានថា លោកមិនអាចឆ្លើយបានទេ សូមរងចាំអ្នកស្រី Love Riya ចេញពីតុលាការសិនចាំសួគាត់ចុះ។
ក្រោយពីលោកស្រី Love Riya ចេញពីតុលាការវិញ គាត់មិនបានបកស្រាយអ្វីជាមួយក្រុមអ្នកសារព័ត៌មាននោះទេ ហើយក៏ឡើងរថយន្តជិះចេញទៅ។
អង្គភាពសារព័ត៌មានយេីងនឹងបន្តដាមតាមរឿងនេះបន្តទៀតបើមានអ្វីថ្មី៕
