ខេត្តតាកែវ ៖ នៅព្រឹកថ្ងៃអាទិត្យ ៦រោចខែមិគសិរ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៦ ខែធ្នូ ឆ្នាំ២០២០លោកឧត្តមសេនីយ៍ទោ ដាំ ឈឿន ជានាយករងមន្ទីរប្រយុទ្ធប្រឆាំងបទល្មើគ្រឿងញៀននៃអគ្គស្នងការដ្ឋាននគរបាលជាតិ ក្រសួងមហាផ្ទៃបានផ្តល់ជូនរទេះរុញសំរាប់មនុស្សពិការចំនួន២គ្រឿងតាមរយៈលោក ណែម ហាក់ ជំទប់ទី ១ឃុំដើម្បីនាំយករទេះរុញទាំង ២គ្រឿងនេះទៅប្រគល់ជូនប្រជាពលរដ្ឋដែលមានពិការភាពចំនួន ២នាក់ស្ថិតនៅភូមិត្រពាំងលាន និងភូមិព្រៃស្នួល ឃុំគុស ស្រុកត្រាំកក់ ខែតាកែវ ។
ប្រជាពលរដ្ឋដែលពិការភាពទាំងពីរនាក់នោះមានឈ្មោះទី១- លោកពូ ស៊ន ស៊ុន អាយុ ៦០ឆ្នាំរស់នៅភូមិត្រពាំងលាន(ពិការជើងទាំងពីរ) ដោយសម័យសង្រ្គាមគាត់ជាកងទ័ព ។
ទី២- អ្នកមីង អោម សម អាយុ ៦៧ឆ្នាំរស់នៅ
ភូមិព្រៃស្នួល(ពិការមិនអាចដើរដោយខ្លួនឯងដោយសារគ្រោះថ្នាក់ចរាចរ )។
គួរបញ្ជាក់ផងដែរថានេះមិនមែនជាលើកទីមួយទេដែលលោកឧត្តមសេនីយ៍ទោ ដាំ ឈឿន បានផ្តល់ជូនអាជ្ញាធរឃុំគុសគឺលោកបានផ្តល់ជូនជាបន្តបន្ទាប់រួចមកហើយក្នុងនោះរួមមានរទេះរុញ និងសម្ភារៈផ្សេងៗជាច្រើនទៀតដើម្បីចែកជូនបងប្អូនពិការភាព ប្រជាពលរដ្ឋមានការខ្វះខាត់ខ្លាំងងាយនិងរងគ្រោះនៅក្នុងមូលដ្ឋាន។
ឆ្លៀតក្នុងឪកាសនោះលោក ណែម ហាក់ ជំទប់ឃុំទី១នៃឃុំគុសបានថ្លែងអំណអរគុណយ៉ាងខ្លាំងចំពោះលោកឧត្តមសេនីយ៍ទោ ដាំ ឈឿន ដែលលោកតែងតែជួយឧបត្ថមអំណោយដល់ជនពិការនិងប្រជាពលរដ្ឋក្រីក្រនៅក្នុងមូលដ្ឋានឃុំគុសផងដែរ ជាចុងក្រោយលោកបានណែនាំដល់បងប្អូនប្រជាពលរដ្ឋសូមឲ្យយកចិត្តទុកដាក់ថែរក្សាការពារសុខភាពឲ្យបានល្អ ជាពិសេសសូមឲ្យបងប្អូនចូលរួមទប់ស្កាត់ពីការីរាលដាលនៃជំងឺកូវីដ-19 ទាំងអស់គ្នាដោយអនុវត្តន៍តាមការណែនាំរបស់ក្រសួងសុខាភិបាល នឹងការអំពាវនាវរបស់រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយករដ្ឋមន្ត្រី៕
