ខេត្តសៀមរាប៖ ឈ្មួញឈើដែលល្បីខាងដឹកជញ្ជូនឈើយ៉ាងគគ្រឹកគគ្រែងនោះត្រូវបានកំលាំងអធិការស្រុកប្រាសាទបាគងឃាត់ខ្លួនរួមនឹងវត្ថុតាងមានឈើចំនួន២,៩២ម៉ែត្រគូបនឹងរថយន្តមួយគ្រឿងម៉ាកREVOឥឡូវនេះត្រូវបានដោះលែងវិញហើយដោយគ្រាន់ធ្វើការពិន័យតែប៉ុណ្ណោះប៉ុន្តែចំពោះវត្ថុតាងនៅតែរក្សាទុកដដែល។
បើតាមសមត្ថកិច្ចបានអោយដឹងថាការបង្ក្រាបនេះធ្វើឡើង នៅថ្ងៃទី១១ ខែធ្នូ ឆ្នាំ២០២០ វេលាម៉ោង០៥និង៣០នាទី ព្រឹក ដោយ កំលាំងអធិការ ស្រុកប្រាសាទបាគង ខេត្ដសៀមរាបនៅលើដងផ្លូវភូមិគោកចាន់ ឃុំអំពិល ស្រុកប្រាសាទបាគង ខេត្តសៀមរាប។
យោងតាមរបាយការណ៍របស់សមត្ថកិច្ចស្រុកប្រាសាទបាគង ប្រតិបត្តិការនេះ សមត្ថកិច្ច ក៏បានឃាត់ខ្លួនមនុស្ស២នាក់ផងដែរក្នុងនោះមាន៖
ទី១.ឈ្មោះកែវ ឧត្ដមហៅធារ៉ា ភេទប្រុសអាយុ៣០ឆ្នាំ នៅភូមិគោកធ្លក ឃុំកណ្តែកស្រុកប្រាសាទបាគង ខេត្តសៀមរាប។
ទី២.ឈ្មោះទុយ វុទ្ធីហៅចៀន ភេទប្រុសអាយុ២៥ឆ្នាំ នៅភូមិដើមផ្តៀក ឃុំព្រៃស្លឹក ស្រុកទ្រាំង ខេត្តតាកែវ។
ដោយដកហូតវត្ថុតាង មាន ៖ឡានម៉ាក REVO ពណ៌សសេរីឆ្នាំ២០១៦ចំនួន១គ្រឿង ឈើផ្ចឹក ចំនួន២,៩២ម៉ែត្រគូប។
ជុំវិញការដោះលែងក្រុមឈ្មួញឈេីទាំងពីរនាក់នេះលោក នាយខណ្ឌរដ្ឋបាលព្រៃឈេីបានប្រាប់មកអង្គភាពសារព័ត៌មាន BPN News តាមរយះទូរសព្ទ័ថា ចំពោះករណីដោះលែងមនុស្សនោះក្រោមហេតុផល៖ទី១.បេីយោងតាមមាត្រាទី៩៦ថាមិនអាចចោទប្រកាន់ឬចាប់មនុស្សដាក់គុកនោះទេព្រោះដឹកឈេីជាប្រភេទឈេីលេខ១ធ្វើការពិន័យតាមអន្ដកាលតែប៉ុណ្ណោះប៉ុន្តែចំពោះវត្ថុតាងនៅតែរក្សាទុកដដែល។ទី២.ចំពោះឈេីត្រូវដកហូតជាសម្បត្ដិរដ្ឋ។ទី៣.ចំពោះរថយន្ដវិញដោះស្រាយរួចរាល់ហេីយហ្នឹង សម្រេចពីរដ្ឋបាលព្រៃឈេី ប្រសិនបេីរដ្ឋបាលព្រៃឈេីប្រគល់ឲ្យក៍ប្រគល់ទៅ បេីមិនអោយក៍បានដែរ៕
