ខេត្ដស្វាយរៀង៖ ព្រឹកថ្ងៃអង្គារ ១កើត ខែបុស្ស ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី១៥ ខែធ្នូ ឆ្នាំ២០២០នេះ នៅសាលប្រជុំសាលាស្រុកកំពង់រោទិ៍ លោក សុច ពិសី អភិបាល នៃគណៈអភិបាលស្រុកកំពង់រោទិ៍ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែធ្នូ ឆ្នាំ២០២០ និងលើកទិសដៅបន្តខែមករា ឆ្នាំ២០២១ របស់រដ្ឋបាលស្រុកកំពង់រោទិ៍ ។
កិច្ចប្រជុំនេះមានការអញ្ជើញចូលរួមពីលោក លោកស្រីអភិបាលរងស្រុក លោក លោកស្រីនាយករងរដ្ឋបាលសាលាស្រុក លោក លោកស្រី ប្រធានការិយាល័យ-អង្គភាពនិងមន្រ្តីពាក់ព័ន្ធ ។
មានប្រសាសន៍ក្នុងឱកាសនោះ លោកអភិបាលស្រុកបានកោតសរសើរ និងវាយតម្លៃខ្ពស់ចំពោះវឌ្ឍនភាពការងារដែលមន្រ្តីរាជការ អង្គភាពចំណុះសាលាស្រុកទាំងអស់ដែលបានខិតខំប្រឹងប្រែងបំពេញការងារបានល្អកន្លងមក ។
បន្ថែមពីនេះលោកអភិបាលស្រុកក៍បានបង្ហាញនូវសូចនាករសំខាន់ៗមួយចំនួន ជូនដល់មន្រ្តីទាំងអស់ ត្រូវធ្វើការទៅតាមតួនាទី ភារកិច្ចដែលថ្នាក់នាំដាក់ជូន និងត្រូវខិតខំប្រឹងប្រែងធ្វើការងារ និងត្រូវមានសាមគ្គីភាពផ្ទៃក្នុង ដើម្បីសម្រេចបាន ការងារ ជាផ្លែផ្កា និងទទួលបានជោគជ័យក្នុងឪកាសឆ្នាំថ្មី ឆ្នាំសកល២០២១ ៕
