ភ្នំពេញ៖ នៅព្រឹកថ្ងៃពុធ២កើតខែបុស្សឆ្នាំជូតទោស័កព.ស. ២៥៦៤ត្រូវនឹងថ្ងៃទី១៦ខែធ្នូឆ្នាំ២០២០នេះលោក ឌីរ័ត្ន ខេមរុណអភិបាលរងខណ្ឌមានជ័យ
តំណាងលោកពេជ្រកែវមុនីអភិបាលខណ្ឌមានជ័យដោយរួមដំណើរលោកជាសុខៃចៅសង្កាត់ចាក់អង្រែក្រោមនិងតំណាងមន្ទីរសាធារណះការរាជធានីភ្នំពេញចុះពិនិត្យមើលសកម្មភាពស្ថាបនាផ្លូវ១ខ្សែប្រវែង៤៥០ម៉ែត្រត្រង់ចំណុចស្តុបវិទ្យាល័យហ៊ុនសែនចាក់អង្រែដល់បុរីវីឡាថោនស្ថិតនៅសង្កាត់ចាក់អង្រែក្រោមខណ្ឌមានជ័យរាជធានីភ្នំពេញដែលជួសជុលឡើងវិញដោយមន្ទីរសាធារណៈការរាជធានីភ្នំពេញ។ក្នុងការចុះពិនិត្យការជួសជុលផ្លូវនេះដែរលោកឌីរ័ត្នខេមរុណអភិបាលរងខណ្ឌមានជ័យនិងលោកជាសុខៃចៅសង្កាត់ចាក់អង្រែក្រោមបានអនុវត្តយ៉ាងខ្ជាប់ខ្ជួនតាមវិធានការណែនាំរបស់ក្រសួងសុខាភិបាលក្នុងពេលដែលជម្ងឺកូវីដ–១៩កំពុងឆ្លងរាលដាលនៅក្នុងសហគមន៍ផងដែរ។
លោកឌីរ័ត្នខេមរុណគួរបញ្ជាក់ថាគម្រោងជួសជុលផ្លូវ១ខ្សែប្រវែង៤៥០ម៉ែត្រជាចំណងដៃរបស់សាលារាជធានីភ្នំពេញជូនដល់បងប្អូនប្រជាពលរដ្ឋក្នុងមូលដ្ឋានខណ្ឌមានជ័យជាពិសេសបងប្អូនប្រជាពលរដ្ឋដែលរស់នៅសង្កាត់ចាក់អង្រែក្រោមតែម្ដង។ទន្ទឹមនឹងនេះដែរលោកឌីរ័ត្នខេមរុណបន្តទៀតថាបងប្អូនប្រជាពលរដ្ឋបានសំដែងនូវអារម្មណ៍រំភើបសប្បាយរីករាយដែលបានទទួលចំណងដៃផ្លូវ១ខ្សែប្រវែង៤៥០ម៉ែត្រពីសាលារាជធានីភ្នំពេញដែលធានាបាននូវបរិមាណគុណភាពនិងសោភ័ណភាពក្នុងមូលដ្ឋានខណ្ឌមានជ័យរបស់យើងដើម្បីបំរើឱ្យបងប្អូនប្រជាពលរដ្ឋងាយស្រួលធ្វើដំណើរផងដែរ៕
