ខេត្ដកំពង់ចាម៖ នៅរសៀល ថ្ងៃទី១៧ ខែធ្នូ ឆ្នាំ២០២០ សាលាគណខេត្តកំពង់ចាម និមន្តដឹកនាំដោយព្រះសីលសំវរ ប៊ត តាំងឆេង ព្រះនាគមុនីមេគណខេត្តកំពង់ចាម និងចូលរួមនិមន្តមន្ត្រីសង្ឃក្រុង-ស្រុក១០ទូទាំងខេត្ត ដេីម្បីនាំបច្ច័យមូលនិធិសម្រាប់ដល់រាជរដ្ឋាភិបាលកម្ពុជា តាមរយៈ ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ដើម្បីចូលរួមជាមួយសម្ដេចតេជោ ហ៊ុន សែន ក្នុងការទិញវ៉ាក់សាំងប្រឆាំងនឹងវីរុសកូវីដ-១៩ ដើម្បីចាក់ជូនប្រជាពលរដ្ឋកម្ពុជាដោយឥតគិតថ្លៃក្នុងជំហានដំបូង។
គូសបញ្ជាក់ផងដែរថា បច្ច័យមូលនិធិសរុប៦៣,៧៧៩,០០០រៀល៕
