ខេត្ដបន្ទាយមានជ័យ៖ពលករខ្មែរចំនួន១៩៩នាក់ត្រូវបានភាគីថៃបញ្ជូនតាមច្រកអូរបីជាន់អាជ្ញាធរកម្ពុជាបានធ្វើចត្តាឡីស័កត្រឹមម៉ោង៤ល្ងាចថ្ងៃទី២០ ខែធ្នូ ឆ្នាំ២០២០ ស្ថិតឃុំអូរបីជាន់ ស្រុកអូរជ្រៅ។
លោក លី សុវណ្ណារិទ្ធ អភិបាលស្រុកអូរជ្រៅបានប្រាប់ថា៖ភាគីថៃបានចាប់បញ្ជូនពលករខ្មែរតាមច្រកអូរជាន់ស្រុកអូរជ្រៅរយៈពេល១ថ្ងៃមានចំនួន១៩៩នាក់ក្នុងនោះមានស្រីចំនួន៨៧នាក់នៅថ្ងៃទី២០ ខែធ្នូ ឆ្នាំ២០២០ បើប្រៀបធៀបនៅថ្ងៃទី១៩ ខែធ្នូ ឆ្នាំ២០២០មានចំនួ១៧០នាក់ ក្នុងនោះមានស្រីចំនួន៦៨នាក់។
លោកបានបញ្ជាក់ថា៖នៅពេលដែលភាគីថៃបញ្ជូនពលករខ្មែរដឹកតាមច្រកអូរបីជាន់ត្រូវក្រុមការងារមានគ្រូពេទ្យចាំធ្វើចត្តាឡីស័កដោយពិនិត្យសុខភាពមានវាស់កំដៅបើជាប់សង្ស័យត្រូវបានបញ្ជូនទៅមន្ទីពេទ្យបង្អែកក្រុងប៉ោយប៉ែត ហើយមិនជាប់សង្ស័យទេត្រូវបានក្រុមការងារមានកម្លាំងនគរបាល និងកម្លាំងកងរាជអាវុធហត្ថ កម្លាំងយោធា និងអង្គការក្រៅរដ្ឋាភិបាលបានធ្វើណែនាំដល់ពលករត្រូវបញ្ឈប់សកម្មភាពចំណាក់ស្រុកខុសច្បាប់ដែលប្រឈមគ្រោះថ្នាក់។
លោក លី សុវណ្ណរិទ្ធ បានបញ្ជាក់ថា៖ក្រុមគ្រូពេទ្យដែលធ្វើចត្តាឡីស័កត្រូវបានណែនាំដល់ពលករដែលភាគីថៃបញ្ជូនមកត្រូវអនុវត្តតាមការណែនាំរបស់ក្រសួងសុខាភិបាល នៅពេលដែលទៅផ្ទះត្រូវធ្វើចត្តាឡីស័កខ្លួនរយៈពេល១៤ថ្ងៃដោយមិនជិតរឺប៉ះពាល់សាច់រឺនៅជិតញាតិខ្លួននិងពាក់ម៉ាស់លាងអាកុលនិងចែលជាប្រចាំដើម្បីបង្កាទប់ស្កាត់កូវីដ១៩។
គួររំលឹកថា៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានចេញសារណែនាំដល់អាជ្ញាធរខេត្តជាប់ជាយដែនប្រទេសថៃត្រូវបង្កើនការយកចិត្តទុកដាក់ខ្ពស់ដើម្បីធ្វើចត្តាឡីស័កដល់ប្រជាពលរដ្ឋខ្មែរត្រូវត្រឡប់ពីប្រទេសថៃចូលមកកម្ពុជាវិញ នៅពេលដែលប្រទេសថៃកំពុងឆ្លងកូវីដ១៩ជាសហគមន៍ ត្រូវតែអនុវត្តអោយបានតាមការណែនាំរបស់ក្រសួងសុខាភិបាលដើម្បីបង្កានិងទប់ស្កាត់កូវីដ១៩៕
