ភ្នំពេញ៖ បុរសម្នាក់រួមដំណើរនឹងបុរសម្នាក់ទៀតបើករថយន្តកុងតឺន័រមួយគ្រឿងបត់ឆ្លងផ្លូវមិនប្រយ័ត្នកៀររថយន្តកាមរីហាយព្រីត បណ្តាលឲ្យរងការខូចខាតផ្នែកខាងមុខចំហៀងខាងឆ្វេងយ៉ាងដំណំ។
ហេតុការណ៍នេះកើតឡើងកាលពីវេលាម៉ោងម៉ោង១១ និង ២០ នាទីយប់ថ្ងៃទី២១ ខែធ្នូឆ្នាំ ២០២០នៅចំណុចស្តុបផ្សារដីហុយ តាមបណ្តោយផ្លូវ ១៩៨៦កែងនឹងផ្លូវហាណយសង្កាត់សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរនឹងបុរសម្នាក់ទៀតបើករថយន្តកុងតឺន័រមួយគ្រឿងក្បាលពណ៌សពាក់ស្លាកលេខភ្នំពេញ3C-9169ធ្វើដំណើរតាមបណ្តោយផ្លូវ១៩៨៦ ទិសដៅពីកើតទៅលិច លុះមកដល់ចំណុចកើតហេតុខាងលើ បានបត់ស្ដាំដៃឆ្លងមកផ្លូវហាណូយខណៈនោះក៍រថយន្តកាមរីហាយព្រីតមួយគ្រឿងពណ៌ស្ករពាក់ស្លាកលេខភ្នំពេញ2X-8775បើកបរដោយស្ត្រីម្នាក់រួមដំណើរនឹងស្ត្រីក្មេងចាស់ស់ពីរនាក់ទៀតធ្វើដំណើរមកពីក្រោយចំហៀងរថយន្តកុងតឺន័រខាងស្ដាំបណ្ដាលរថយន្ដកុងតឺន័រមើលមិឃើញកៀរផ្នែកខាងមុខចំហៀងឆ្វេងរងការខូចខាតយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំង ២គ្រឿងទៅរក្សាទុកនៅការិយាល័យចរាចរណ៍ផ្លូវគោកក្នុងការរាជធានីភ្នំពេញរង់ចាំធ្វើការដោះស្រាយគ្នាតាមផ្លូវច្បាប់៕
