ខេត្តកំពង់ចាម៖ អគ្គិភ័យមួយបានកើតឡើងនៅថ្ងៃទី២៦ ខែធ្នូ ឆ្នាំ២០២០ វេលាម៉ោង០៦ និង ៣០នាទី នៅចំណុចរោងចក្រកែឆ្នៃជ័រកៅស៊ូ ក្នុងភូមិសូជ័យ ឃុំចំការអណ្តូង ស្រុកចំការលើ ខេត្តកំពង់ចាម ។
សមត្ថកិច្ចបានប្រាប់ថា ម្ចាស់ចំការមានឈ្មោះ ប៉េង ជឺ ភេទប្រុស អាយុ ៧៧ឆ្នាំ ស្ថិតនៅតំបន់ស្រោងខ្នុរ ក្នុងភូមិសូជ័យ ឃុំចំការអណ្តូង ស្រុកចំការលើ ខេត្តកំពង់ចាម ។
សមត្ថកិច្ចបានបន្ដថា អគ្គិភ័យខាង លើនេះបណ្ដាលឲ្យមានការខូច ខាតឡជ័រទំហំ ៨.៦០ម x ៤ម និងខូចជ័រកៅស៊ូអស់ចំនួនចំនួន ០២ តោន ។
អគ្គីភ័យខាងលើបានស្ងប់រលត់ទៅ វិញ១០០% នៅវេលាម៉ោង០៨និង ១០នាទី ដោយប្រើប្រាស់រថយន្តបាញ់ទឹករបស់អធិការនគរបាលស្រុកចំការលើបាញ់ទឹកអស់ចំនួនមួយឡាន។
ចំពោះមូលហេតុដែលបង្កជាអគ្គិភ័យនេះបណ្ដាលមកពីនាឡិកាវាស់កំដៅខូចបណ្ដាលឲ្យឡចំ ហុយជ័រកៅស៊ូឡើងកំដៅហួសកំណត់ក៍បង្កជាអគ្គិភ័យកើតឡើង ៕
