ខេត្តស្វាយរៀង ៖ មានភ្លើងឆាបឆេះចំការអំពៅរបស់ក្រុមហ៊ុនសុផាតសំណាងអស់ចំនួន១ហិកតា៥០អាសមត្ថកិច្ចដាក់ការសង្ស័យថា មានមនុស្សលួចដុត។
ករណីភ្លើងឆេះចំការអំពៅនេះបានកើតឡើងកាលពីវេលាម៉ោង៧និង១៥នាទីយប់ថ្ងៃទី៣០ខែធ្នូ ឆ្នាំ២០២០ស្ថិតនៅភូមិកំពោតទូក ឃុំគគីសោម ស្រុកស្វាយទាបខេត្តស្វាយរៀងនៅចំណុចចន្លោះបង្គោលព្រំដែនលេខ១៥៥/១ដៅលើផែនទីទៅបង្គោលលេខ ១៥៥/២ដៅលើផែនទីចូលមកដីកម្ពុជាប្រហែល៩៥០ម៉ែត្រ។បើតាមលោកមេបញ្ជាការវរៈការពារព្រំដែនលេខ៦១១ បានឲ្យដឹងថា បន្ទាប់ពីភ្លើងឆេះចំការអំពៅ តំណាងក្រុមហ៊ុនបាននាំគ្នាពន្លត់រហូតដល់ភ្លេីងរលត់ទៅវិញនៅម៉ោង៨និង០៥នាទីយប់។
សមត្ថកិច្ចបានឲ្យដឹងថា ចំណុចភ្លើងឆេះចំការអំពៅនៅជាប់ព្រំដែននៅភូមិសាស្រ្តខាងប្រទេសវៀតណាមស្ថិតក្នុងភូមិបេនគឺ ឃុំនិនដៀង ស្រុកចូវថាញ់ ខេត្តតៃនិញ។
មូលហេតុជនមិនស្គាល់មុខលួចដុត។
បច្ចុប្បន្នកម្លាំងប៉ុស្តិ៍នគរបាលច្រកទ្វារតំបន់ព្រំដែនព្រៃតាអីបានសហការជាមួយយោធាព្រំដែនស្រាវជ្រាវរកមុខសញ្ញាជនសង្ស័យយកមកផ្តន្ទាទោសតាមច្បាប់៕
