ភ្នំពេញ ៖ យុវជន ៣ នាក់ បាន ខ្ចី ម៉ូតូ មិត្ត ភក្ដិ ជិះ ដើរ លេង ថ្ងៃ ឆ្លង ឆ្នាំ ដោយ បានបើក វ៉ា ជែង ក៏ ជ្រុល ទៅ បុក រថយន្ត កាម រី បា ឡែ ន ដែល បើកបរ ដោយ ស្ត្រី ម្នាក់ ក្នុង ទិស ដៅ បញ្ច្រាស គ្នា បណ្តាល ឲ្យ អ្នក ជិះ ម៉ូតូ រង របួសធ្ងន់ ស្រាល ចំនួន ៣ នាក់ ។
ហេតុការណ៍ ខាងលើ នេះ បាន កើតឡើង កាលពី វេលា ម៉ោង ៩ និង ៣០ នាទី យប់ ថ្ងៃ ទី ៣១ ខែធ្នូ ឆ្នាំ ២០២០ ជិត និង បុរី ជ័យ ជំនះ ផ្លូវ លូ ប្រាំ សង្កាត់ ស្ទឹង មាន ជ័យ ៣ ខណ្ឌមានជ័យ ។
តាម ប្រភព ព័ត៌មាន បានអោយ ដឹង ថា មុន ពេល កើតហេតុ មាន យុវជន ៣ នាក់ មិនស្គាល់ អត្តសញ្ញាណ បាន ខ្ចី ម៉ូតូ មួយគ្រឿង របស់ មិត្ត ភ័ក្តិ ម៉ាក ហុងដា ឌ្រី ម ស៊េ រី ឆ្នាំ ២០១៩ ពណ៌ ខ្មៅ ពាក់ ស្លាក លេខ ព្រៃវែង 1O-4929 ជិះ ដើរ លេង ក្នុង ថ្ងៃ ឆ្លង ឆ្នាំ ដោយ បានបើក បោះពួយ តាម បណ្ដោយ ផ្លូវ លូ ប្រាំ ក្នុង ទិស ដៅ ពី ត្បូង ទៅ ជើង ក្នុង ល្បឿន លឿន ។
តាម ប្រភពព័ត៌មាន បាន ឱ្យ ដឹង ថា លុះ មក ដល់ ចំនុច កើតហេតុ ខាងលើ ម៉ូតូមួយគ្រឿង ដែល ជិះគ្នា ៣នាក់ ក៍បាន វ៉ា ជែង ម៉ូតូ កង់ បី មួយ គ្រឿង បណ្ដាល ឲ្យ ម៉ូតូ ចូល ទៅ គន្លង ផ្លូវ ម្ខាង ទៀត ក៏ ជ្រុល ទៅ បុក រថយន្ត កាម រី បា ឡែ ន ពណ៌ ទឹកប្រាក់ ពាក់ ស្លាក លេខ ភ្នំពេញ 2AD. 9496 បើកបរ ដោយ ស្ត្រី ម្នាក់ រួម ដំណើរ ជាមួយ និង ស្ត្រី ម្នាក់ ទៀត ក្នុង ទិស ដៅ បញ្ច្រាសទិស គ្នាពី ជើង ទៅ ត្បូងយ៉ាង ពេញទំហឹង បណ្ដាល ឲ្យ អ្នក បើកបរ ម៉ូតូ ហោះ ទៅ បុក និង កញ្ចក់ រថយន្ត រង របួសធ្ងន់ ចំណែ ក អ្នក អង្គុយ ខាងក្រោយ ២ នាក់ ផ្សេងទៀត រង របួសស្រាល ហើយ ភ្លាម ៗ នោះ ដែរ ជន រង គ្រោះ ទាំង បី នាក់ ត្រូវបានគេ ដឹក តាម ម៉ូតូ កង់ បី យក ទៅ សង្គ្រោះ នៅ មន្ទីរពេទ្យ ព្រះ កុសុមៈ រីឯ ម៉ូតូ រង ការ ខូចខាត ខ្ទេច មួយ កំណាត់ ខាង មុខ ។
ដោយឡែក រថយន្ត វិញ រង ការ ខូចខាត ថ្ពាល់ មុខ ចំហៀង ខាងឆ្វេង និង បែក កញ្ចក់ មុខ តែ មិន គ្រោះថ្នាក់ ដល់ អ្នក ជិះ ក្នុង រថយន្ត នោះ ទេ ។
ក្នុង ហេតុការណ៍ នេះ ដែរ ក៍ មាន តំណាង ម្ចាស់ ម៉ូតូ ចេញ មុខ មក សម្របសម្រួល ជាមួយ និង ភាគី ខាងរថយន្ត ទាំង ទឹកមុខ សោកស្ដាយ ម៉ូតូ របស់ ខ្លួន ផង ដែរ ។
ក្រោយ ពេល កើតហេតុ ដោយ ខាង ភាគី រថយន្ដ មិន ចង់ មានរឿង វែង ឆ្ងាយ មិន ទាមទារ សំណង ពី ខាង ម៉ូតូ ដែរ ដោយ សុខចិត្ត ស្មើគ្នា រួច យក រថយន្ត និង ម៉ូតូ ទៅ ជួសជុល រៀង ៗ ខ្លួន ដើម្បី បញ្ចប់រឿង នៅ កន្លែង កើតហេតុ ៕
