ខេត្តតាកែវ ៖ អតីតសិស្សានុសិស្សនៃសាលាបឋមសិស្សា សុខអានមង្គលមានលក្ខណ៍មួយក្រុម បានមូលគ្នា ធ្វើពិធីរំលឹកគុណគ្រូ ដើម្បីជាការតបស្នងនឹងដឹងគុណដល់ពួកគាត់ដែលបានផ្តល់ចំណេះដឹងជាស្ពានឆ្លងមកដល់បច្ចុប្បន្ននេះប្រកបដោយជោគជ័យរៀងៗខ្លួន។
ពិធីនេះបានផ្តួចផ្តើមដោយអតីតសិស្សមួយក្រុមដែលក្រោមការដឹកនាំពីលោក ពេជ្រ សុខា លោក ណុប សុភា លោក ប៊ុន សុភ័ក្រ និង លោក ភារម្យ ដែលបានគៀងគរគ្នារៀបចំពិធីនេះឡើង ហើយជាពិសេសមានការចូលរួមក្រោមអធិបតីភាពដ៏ខ្ពង់ខ្ពស់ពី ព្រះមង្គលបញ្ញា សៅ តារាវី និង លោកប្រធានការិយាល័យអប់រុំយុវជន និងកីឡា ស្រុកត្រាំកក់ និងមានការអញ្ជើញចូលសប្បុរសជននានាជាច្រើនទៀតពិធីនេះធ្វើឡើងនៅសាលាបឋមសិក្សា សុខអានមង្គលមានលក្ខណ៍ ស្ថិតនៅភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ នៅថ្ងៃទី១០ ខែមករា ឆ្នាំ២០២១។
ក្នុងការជួបជំុពិធីរំលឹកគុណគ្រូនាឱកាសនោះក៏មានការធ្វើសេចក្តីរាយការណ៍និងចំណាប់អារម្មណ៍ពីនាយិការនាយកសាលបឋមសិក្សា《 សុខអានមង្គលមានលក្ខណ៍ 》តំណាងសិស្ស តំណាងលោកគ្រូអ្នកគ្រូចូលនិវត្តន៍ ។
អតីតនាយកសាលា តំណាងក្រុមអ្នកបង្កើតពិធីនេះឡើង គណៈអធិបតី ព្រះមង្គលបញ្ញា សៅ តារាវី និងលោកប្រធានការិយាល័យអប់រុំយុវជន និងកីឡា ស្រុកត្រាំកក់ មានប្រសាសន៍សំណេះសំណាលនិងថ្លែងអំណរគុណដល់អ្នកគៀងគររៀបចំពិធីនេះព្រមទាំងសប្បុរសជនដែលបានអញ្ជើញចូលរួមក្នងពិធីនោះផងដែរ។
លោក ញិប នីម អតីតនាយកសាលាបឋមសិក្សា 《សុខអានមង្គលមានលក្ខណ៍ 》សប្បាយចិត្តរហូតហូរទឹកភ្នែងដោយមិនដឹងខ្លួននៅពេលឃើញអតីតសិស្សរបស់គាត់មានភាពជោគជ័យហើយបានរៀបចំពិធីនេះឡើង។ លោកបានមានប្រសាសន៍ទាំងក្តុរក្តួលថាជិតមួយជីវិតលោកទៅហើយនេះជាលើកទី១ហើយដែលអតីតសិស្សរបស់គាត់បានរៀបចំពិធីបែបនេះឡើង លោកពិជាសប្បាយចិត្តខ្លាំងណាស់ហើយក៏សូមថ្លែងអំណរគុណយ៉ាងជ្រាលជ្រៅបំផុតចំពោះអតីតសិស្សនិងសប្បុរសជនដែលបានចំណាយទាំងពេលវេលានិងទ្រព្យសម្បត្តិផ្ទាល់ខ្លួនដើម្បីរៀបចំពិធីរំលឹកគុណគ្រូនេះឡើង។
នៅក្នុងពិធីនោះដែរក៏មានការចែអំណោយជួនដល់លោកគ្រូអ្នក គ្រូដែលធ្លាប់បង្រៀននៅសាលាបឋមសិក្សា សុខអានមង្គលមានលក្ខណ៍ និងគ្រូៗចូលនិវត្តន៍ចំនួន៧នាក់ ក្នុងម្នាក់ៗទទួលបានប្រាក់៣០០,០០០.រៀល (សាមសិបម៉ឺនរៀល)និង គ្រូបង្រៀនបច្ចុប្បន្នមានចំនួន១៨នាក់ក្នុងម្នាក់ទទួលបាន១០០,០០០.រៀល (ដប់ម៉ឺនរៀល)។
សិស្សានុសិស្សចំនួន៥៤៧នាក់ ក្នុងម្នាក់ៗទទួលបានសៀវភៅ ៥ក្បាល ប៊ិច៣ដើម ខ្មៅដៃ១ដើម ទឹកលុប១ដើម និង ជ័រលុប១ដើម ។
លើលពីនេះទៅទៀតក្រុមអតីតសិស្សានុសិស្សនៃសាលាបឋមសិស្សា សុខអានមង្គលមានលក្ខណ៍ ក៏បានចែកអំណោយជួនដល់ក្រុមគ្រួសារដែលមានវីវភាពក្រីក្រខ្វះខាតខ្លាំងចំនួន១៦គ្រួសារ ក្នុង១គ្រួសារៗទទួលបាន ភួយ០១ ,មុង០១,សារុង០១,ទឹកត្រី១យួរ,ទឹកសុីអ៉ីវ១យួរ, ត្រីខកំប៉ុង១យួរ, ឆៃប៉ូវ ១គីឡូក្រាម, អង្ករ២០គីឡូក្រាម និង ថវិកាចំនួន ៨០,០០០.រៀល (ប្រាំបីម៉ឺនរៀល)។
លោក ពេជ សុខា តំណាងឲ្យក្រុមអតីតសិស្សានុសិស្សនៃសាលាបឋមសិស្សា សុខអានមង្គលមានលក្ខណ៍ បានលើកឡើងក្នុងពិធីនោះថាកម្មវិធីនេះបង្កើតឡើងទៅបានគឺដោយសារមានការសាមគ្គីគ្នានិងមានចូលរួមឧបត្ថម្ភពីបងប្អូនសប្បុរសជនជាច្រើនមកពីក្រុម
ក្រុម Rider មានដូចជា ក្រុមម៉ូតូត្រៃវាលឥន្ទ្រី;
Cambodia Moto Family (CMF) ;
Cambodia PCX Group (CPG);
Family Meating Club (FMC) ដែលដឹកនាំដោយលោក ម៉ៅ សុវណ្ណ និង លោក ប៊ុន សារ៉ាដេត និងបងប្អូនសប្បុរសជនដទៃទៀតផងដែរ៕
