ខេត្ដស្វាយរៀង ៖ នាព្រឹកថ្ងៃអង្គារ ៦កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែមករា ឆ្នាំ២០២១
ឯកឧត្ដម តូច ប៉ូលីវ៉ា អភិបាលរងខេត្ត និងជាប្រធានក្រុមការងារPWG-RWSSH តំណាងឯកឧត្ដមអភិបាលខេត្តស្វាយរៀង បានអញ្ជើញចូលរួមជាគណៈអធិបតីក្នុងសិក្ខាសាលាពង្រឹងសមត្ថភាពថ្នាក់តំបន់ ស្ដីពីការប្រើប្រាស់ និងគ្រប់គ្រងប្រព័ន្ធទិន្នន័យជំនាន់ទី៣ បែបឌីជីថលសម្រាប់ការគ្រប់គ្រងប្រព័ន្ធទិន្នន័យការផ្គត់ផ្គង់ទឹក ការសំអាត និងអនាម័យជនបទ រយៈពេល ៣ថ្ងៃ ចាប់ពីថ្ងៃអង្គារ-ព្រហស្បតិ៍ ទី១៩-២១ ខែមករា ឆ្នាំ២០២១ ក្រោមអធិបតីភាពឯកឧត្ដម ថោង ពោជ អនុរដ្ឋលេខាធិការក្រសួងអភិវឌ្ឍន៍ តំណាងឯកឧត្ដមបណ្ឌិតសភាចារ្យរដ្ឋមន្រ្តីក្រសួងអភិវឌ្ឍន៍ជនបទ នាសាលប្រជុំកាកបាទក្រហមកម្ពុជា ខេត្តស្វាយរៀង ។
ដោយមានការអញ្ជើញចូលរួមពីលោកវេជ្ជបណ្ឌិត លន់ សាយតេង ប្រធាននាយកដ្ឋានថែទាំសុខភាពជនបទ លោក សំ នីតូ ប្រធានមន្ទីរអភិវឌ្ឍន៍ជនបទខេត្ត លោកស្រី កែវ វិច្ឆិកា តំណាងអង្គការ WaterAid ប្រចាំព្រះរាជាណាចក្រកម្ពុជា លោក លោកស្រីក្រុមការងារ MISថ្នាក់ជាតិ និងថ្នាក់ខេត្តទាំង១៥ និងលោក លោកស្រីអង្គការដៃគូអភិវឌ្ឍន៍នានា និងសិក្ខាកាម ជាច្រើនរូបទៀត៕
