ភ្នំពេញ ៖ គណៈបញ្ជាការឯកភាពខណ្ឌមានជ័យ បានដាក់គោលដៅត្រួតពិនិត្យច្បាប់ចរាចរណ៏ផ្លូវគោកពង្រឹងសន្តិសុខ ក្នុងមូលដ្ឋាន នៅត្រង់ចំណុចមុខសាលារៀន ACE ផ្លូវជាតលេខ២ ភូមិព្រែកតាឡុង ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
នៅវេលាម៉ោង ៦:០០ នាទីព្រឹក ថ្ងៃព្រហស្បតិ៍ ១៥កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី២៨ ខែ មករា ឆ្នាំ២០២១ គណៈបញ្ជាការឯកភាពខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរង ខណ្ឌមានជ័យ បានដឹកនាំកម្លាំងចម្រុះ ចុះត្រួតពិនិត្យច្បាប់ចរាចរណ៏ផ្លូវគោក នៅត្រង់ចំណុចមុខសាលារៀន ACE ផ្លូវជាតលេខ២ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
សមាសភាពចូលរួម សរុប ៣៣ នាក់ រួមមាន :
– កម្លាំងអធិការខណ្ឌចំនួន ១០ នាក់
– កម្លាំងមូលដ្ឋានកងរាជអាវុធហត្ថខណ្ឌចំនួន ៨ នាក់
– កម្លាំងសណ្ដាប់ធ្នាប់ ខណ្ឌ-សង្កាត់ ចំនួន ១៥ នាក់ ។
