ខេត្តបាត់ដំបង ៖ ដោយអនុវត្តតាមបទបញ្ជាពីលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង នៅថ្ងៃទី៣០ ខែមករា ឆ្នាំ២០២១វេលាម៉ោង ៩ និង១០នាទី ដោយទទួលបានបទបញ្ជាពី ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបងដឹកនាំដោយ លោកវរសេនីយ៍ឯក ពេជ្រ សារ៉ែន អធិការនគរបាលស្រុក សំពៅលូន លោកវរសេនីយ៍ទោទឹម វិ ឆៃ អធិការរងនគរបាលស្រុកសំពៅលូនបានបានស្ទាក់ចាប់សាច់មាន់ ឆ្អឹងមាន់។
គ្រឿងក្នុងមាន់ខូចគុណភាពដែលអាជីវករបានលួចនាំចូលពីប្រទេសថៃមក កម្ពុជា តាមច្រករបៀងក្នុងទឹកដីស្រុកសំពៅលូន និងបាន អនុវត្តការដុតបំផ្លាញសាច់មាន់ និងគ្រឿងក្នុងមាន់ខូចគុណភាព ចោលដែលនាំចូលមកពីប្រទេសថៃខុសច្បាប់ចំនួន ០៥ការ៉ុង ស្មើនឹង២៥០ គីឡូក្រាម របស់ឈ្មោះផេន សម្បត្តិ ភេទប្រុស អាយុ ៣៥ ឆ្នាំ មានទីលំនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង បានធ្វើការដុតបំផ្លាញចោលក្នុងបរិវេណអធិការដ្ឋាននគរបាលស្រុកសំពៅលូន ដោយមានការចូលរួមពី លោក យន់ សង្ហា អភិបាលរងស្រុកសំពៅលូន, លោក ណុប សំអុល អនុប្រធានការិយាល័យកសិកម្មធនធានធម្មជាតិស្រុក, លោកអនុសេនីយ៍ឯក កែវ ដារា មន្ត្រីនគរបាលសេដ្ឋកិច្ច នៃស្នងការដ្ឋាននគរបាលខេត្តបាត់ដំបង, លោក ឪ វុធ សមាជិកក្រុមប្រឹក្សាឃុំសន្តិភាពករណីដុតបំផ្លាញសាច់មាន់ខាងលើបានចប់សព្វគ្រប់នៅវេលាម៉ោង១០និង២០នាទី ។
លោកវរសេនីយ៍ឯក ពេជ្រ សារ៉ែន បានបញ្ជាក់ឲ្យអ្នកសារព័ត៌មានយើងឲ្យដឹងថា អាជីវករឈ្មោះផេន សម្បត្តិត្រូវបានយកមកអប់រំណែនាំធ្វើកិច្ចសន្យានៅអធិការដ្ឋានគរបាលស្រុកសំពៅលូនដើម្បីបញ្ឈប់ឲ្យមានការនាំចូល សាច់មាន់ ស្លាបមាន់ គ្រឿងក្នុងមាន់ សាច់មាន់ ដែលខូចគុណភាព ពីប្រទេសថៃ មកកម្ពុជា ហើយត្រូវបានក្រុមគ្រួសារមកធានាធ្វើកិច្ចសន្យាសន្យាបើមានថ្ងៃក្រោយជនអាជីវករ ឈ្មោះ ផេនសម្បត្តិ ត្រូវទោះខុសត្រូវចំពោះមុខច្បាប់ហើយសមត្ថកិច្ចឲ្យវិលត្រឡប់ទៅផ្ទះវិញ៕
