ខេត្តកំពង់ឆ្នាំង៖ នាយប៉ុស្ដិ៍នគរបាលឃុំស្រែថ្មីម្នាក់ដេកស្លាប់នៅក្នុងប៉ុស្ដិ៍ម្នាក់ឯងដែលគេសង្សយ័បណ្តាលមកពីជម្ងឺប្រចាំកាយ ។
ហេតុការណ៍ភ្ញាក់ផ្អើលខាងលើនេះបានកើតឡើងនៅវេលាម៉ោង៨និង៣០នាទីថ្ងៃទី១៦ខែកុម្ភ:ឆ្នាំ២០២១នៅក្នុងប៉ុស្ដិ៍នគរបាល ដែលស្ថិតនៅក្នុងភូមិសន្ទួច.ឃុំស្រែថ្មី.ស្រុករលាប្អៀរ.ខេត្តកំពង់ឆ្នាំង ។
ប្រភពពីសមត្ថកិច្ចដែលស្ថិតនៅកន្លែងកើតហេតុបាននិយាយអោយដឹងថាជនរងគ្រោះដែលជានាយប៉ុស្ដិ៍រដ្ឋបាលដេកស្លាប់ម្នាកឯងខាងលើនេះមានឋានវរសេនីយ៍ត្រីអត្តលេខ៤៥៧៧០ឈ្មោះ កែវសុផង់ អាយុ៥៥ឆ្នាំមានប្រពន្ធឈ្មោះ ប៉ែនសុខនី អាយុ ៥៣ ឆ្នាំ មានកូន៧នាក់រស់នៅក្នុងភូមិគល់គប់ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ។
ប្រភពពីកន្លែងកើតហេតុបានបញ្ជាក់ឲ្យដឹងទៀតថានៅមុនពេលកើតហេតុក្នុងវេលាម៉ោង ១និង០០នាទី រំលងអាធ្រាតឈានចូលថ្ងៃទី១៦ ខែកុម្ភ: ឆ្នាំ២០២១ នេះជនរងគ្រោះកំពុងតែនិយាយអាយកូមជាមួយអធិការនៅក្នុងបន្ទប់ម្នាក់ឯងដែលបិទគន្លឹះពីខាងក្នុង ។
ប្រភពពីមន្ត្រីនគរបាលប៉ុស្តិ៍រដ្ឋបាលឃុំស្រែថ្មីបានឲ្យដឹងទៀតថាលុះព្រឹកឡើងគាត់បានដាក់ឲ្យភ្ញាក់ឡើងដើម្បីទៅប្រជុំនៅអធិការនគរបាលស្រុករលារប្អៀរតែមិនឃើញមានការឆ្លើយតបគាត់ក៏មើលពីខាងក្រៅទៅឃើញជនរងគ្រោះដេកស្លៀកខោខ្លីខ្លួនទទេនៅលើប៉ៅអ៉ីដោយមានការសង្ស័យក៏បានជម្រាបទៅលោកមេឃុំនិងក្រុមប្រឹក្សាឃុំស្រែថ្មីនិងអនុប្រធានប៉ុស្ដិ៍ឱ្យជួយពិនិត្យមើលព្រោះជនរងគ្រោះបានបិទទ្វារនិងដាក់គន្លិះពីក្នុងនិងបានរាយការណ៍ជូនទៅអធិការនគរបាលស្រុករលារប្អៀរ ពីស្ថានភាពរបស់លោកមេប៉ុស្ដិ៍ និងបង្កការភ្ញាក់ផ្អើលភ្លាមភ្លាមផងដែរ ។
ក្រោយការជួបជាគ្រាភ្លាមៗនោះក៍មានការគាស់បង្អួចមើលទៅឃើថាលោកមេប៉ុស្ដិ៍បានដេកស្លាប់នៅលើប៉ៅអ៉ីមិនដឹងតាំងពីពេលណានោះទេ ។
បើតាមការធ្វើកុសលវិច្ច័យពីសមត្ថកិច្ចជំនាញនិងក្រុមគ្រូពេទ្យក៏ដូចជាសិក្ខាកាមសិស្សចៅក្រមបានដាក់ការសន្និដ្ឋានថាជនរងគ្រោះអាចស្លាប់ចន្លោះពីម៉ោង ២និង០០នាទីទៅម៉ោង ៣និង០០ទៀបភ្លឺហើយជនរងគ្រោះក៏មានជំងឺប្រចាំកាយលើសឈាមនិងលេបថ្នាំជាប្រចាំផងដែរ ។
ក្រោយការពិនិត្យសាកសពរួចរាល់សមត្ថកិច្ចនិងជំនាញពាក់ព័ន្ធបានធ្វើកំណត់ហេតុប្រគល់សាកសពនាយប៉ុស្តិ៍រដ្ឋបាលឃុំស្រែថ្មីប្រគល់ជូនក្រុមគ្រួសារដឹកតាមរថយន្តរបស់ស្នងការនគរបាលខេត្តយកទៅលំនៅដ្ឋានដើម្បីរៀបចំធ្វើបុណ្យតាមប្រពៃណីផងដែរ ៕
