ខេត្តកំពង់ធំ៖ បែកធ្លាយរឿងរ៉ាវអាស្រូវ លោកស្រីអ៊ុកថាវរី ដែលជាប្រពន្ធរបស់លោកលី ពីធូ មេប៉ុស្តិ៍ក្រយានិងបក្សពួករបស់ខ្លួន បានយក លុយពីប្រជាពលរដ្ឋ នៅក្នុងភូមិ ក្រយា ភូមិត្រពាំងព្រីង ឃុំក្រយា ស្រុកសន្ទុកខេត្តកំពង់ធំ ជាង១០ ម៉ឺនដុល្លារអាមេរិក ថាយករត់ការទៅក្រសួងមហាផ្ទៃដើម្បីឲ្យកូនចៅពួកគាត់បានចូលធ្វើជា មន្ត្រីនគរបាលជាក្របខ័ណ្ឌរបស់រដ្ឋ។
បើតាមប្រភពព័ត៌មាន ផ្ដល់ឲ្យបានបង្ហើបឲ្យដឹងថា បក្សពួក ដែលបានសមគំនិតគ្នាប្រមូលយកលុយពីប្រជាពលរដ្ឋ ទី១គឺឈ្មោះ លោកស្រីអ៊ុក
ថាវរី, ទី២ លោកហួតឆៃយ៉ា
ហៅតួ,ទី៣គឺបុគ្គលឈ្មោះ លី ពីធូ
ដែលគេស្គាល់ថា ជាមេប៉ុស្តិ៍ ក្រយាដែលទើបនឹងឡើង កាន់មុខតំណែងថ្មីៗ ។
បើតាម ប្រភពព័ត៌មាន បានបង្ហើបប្រាប់ ពីមន្ត្រីនគរបាលជាន់ខ្ពស់ នៅក្នុងស្នងការរដ្ឋាននគរបាលខេត្តកំពង់ធំ បញ្ជាក់ឲ្យដឹងថារឿងរ៉ាវទាំងអស់នេះ ពិតជាបានកើតឡើង ឡើងនៅក្នុងភូមិក្រយា ពិតប្រាកដមែន ហើយប្រជាពលរដ្ឋ ក៏បានដាក់ពាក្យបណ្ដឹង មកខាងស្នងការ ខេត្តកំពង់ធំដេីម្បីប្ដឹងទាមទារសំណង លុយទាំងអស់នេះ មកវិញ។
លោកអធិការស្រុកសន្ទុកបានឲ្យដឹងថាថ្ងៃទី២៤ ខែកុម្ភៈ ឆ្នាំ២០២១ថាពិតជាមានករណីនេះពិតប្រាកដមែនរឿងឆបោកលុយ១០មុឺនដុល្លានោះដល់ដៃតុលាការហើយ រីឯមេប៉ុស្តិ៍ក្រយាដ៏មហិមា ឈ្មោះលីពិធូ នោះបានបិតសាប៉ូគូទរត់ចោលស្រុកបាត់ហើយ៕
