ខេត្តបន្ទាយមានជ័យ ៖ រថយន្តធុនធំដឹកដំឡូងមីបើកបុកម៉ូតូហើយកិនពីលើបណ្តាលឲ្យអ្នកបើកម៉ូតូស្លាប់នៅនិងកន្លែងទើបមកពីបញ្ចូលទឹកស្រែប្រាំង
ហេតុការណ៍នេះបានកេីតឡេីងនៅវេលាម៉ោង១១និង០០នាទីយប់ថ្ងៃទី០១ ខែមីនា ឆ្នាំ២០២១ នៅលើកំណាត់ផ្លូវជាតិលេខ២៦៨ A ខាងត្បូងស្ពានគោករំចេក ចម្ងាយ២០០ម៉ែត្រ ស្ថិតក្នុង ភូមិគោករំចេក ឃុំស្រះជីក ស្រុកភ្នំស្រុក ខេត្តបន្ទាយមានជ័យ ។
នគរបាលមូលដ្ឋានបានឲ្យដឹងថា ជនរងគ្រោះមាន ឈ្មោះឈឿន ប្រុស ភេទប្រុសអាយុ៣១ឆ្នាំ រស់នៅភូមិស្រះឈូកខាងកើត ឃុំស្រះជីក ស្រុកភ្នំស្រុក ខេត្តបន្ទាយមានជ័យ ។
នគរបាលមូលដ្ឋានបានបញ្ជាក់ឲ្យដឹងបន្តទៀតថាមុនពេលកើតហេតុជនរងគ្រោះបានបើកម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅសេរី២០១១ ពាក់ស្លាកលេខ ប.មានជ័យ 1E.9205 មកពីបញ្ចូលទឹកស្រែ ប្រាំងពីត្បូងទៅជើងពេលបើកមកដល់ចំណុចកើតហេតុស្រាប់តែមានរថយន្តធុនធំ១គ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ- 3C.4649 ដឹកដំឡូងមី ធ្វើដំណើរច្រាសទិសគ្នា ពីជើងទៅត្បូងស្រាប់តែបើកទៅបុកម៉ូតូនិងកិនពីលើទៀតបណ្តាលឲ្យអ្នកបើកម៉ូតូស្លាប់ភ្លាមៗមួយរំពេចក្នុងថ្លុកឈាម ចំណែកអ្នកអ្នកបើករថយន្តក្រោយពីកើតហេតុ បានរត់គេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុ ។
ចំពោះមូលហេតុបណ្តាលឲ្យកើតមានគ្រោះថ្នាក់ចរាចរណ៍នេះ មកពីអ្នកបើកម៉ូតូមិនប្រកាន់ស្តាំហើយមានល្ពឿនលឿន។ក្រោយពីកើតហេតុហើយរថយន្តនិងម៉ូតូនគរបាលយកមករក្សាទុកនៅអធិការដ្ឋាន នគរបាលស្រុកភ្នំស្រុករងចាំធ្វើការដោះស្រាយនៅពេលក្រោយ។
ចំណែរីឯសពជនរងគ្រោះប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
