ខេត្ដស្វាយរៀង៖ នៅរសៀលថ្ងៃអង្គារ ៤រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែមីនា ឆ្នាំ២០២១ យោងតាមអនុសាសន៍ណែនាំរបស់ឯកឧត្ដមអភិបាលខេត្តស្វាយរៀង ឯកឧត្ដម តូច ប៉ូលីវ៉ា អភិបាលរងខេត្ត និងជាប្រធានគណៈកម្មការគ្រប់គ្រងដីរដ្ឋ ផ្សារក្រោលគោ បានអញ្ជើញដឹកនាំពិនិត្យទីតាំងជាក់ស្តែង និងកិច្ចប្រជុំពិនិត្យពិភាក្សាលើពាក្យស្នើសុំសាងសង់តូបលក់ដូរ លើដីផ្សារដើម្បីប្រើប្រាស់និងអាស្រ័យផលតាមការស្នើរសុំពីប្រជាពលរដ្ឋ១គ្រួសារដែលបានស្នើសុំ អោយស្របតាមនីតិវិធី តាមច្បាប់ ការប្រើប្រាស់ដីរដ្ឋ(ដីផ្សារ) ផែនការរៀបចំសណ្ដាប់ធ្នាប់ អនាម័យ និងសោភណ្ឌភាព ដើម្បីសុំគោលការណ៍ទៅឯកឧត្តមអភិបាល ខេត្ត ដើម្បីពិនិត្យ និងសម្រេច លើពាក្យសុំ នៅសាលឃុំក្រោលគោ និងទីតាំងផ្សារក្រោលគោ ។
ដោយមានការអញ្ជើញចូលរួមពី លោកប្រធានមន្ទីរសេដ្ឋកិច្ច និងហិរញ្ញវត្ថុខេត្ត អនុប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត លោកអភិបាល អភិបាលរងស្រុកស្វាយជ្រំ លោកនាយករងទីចាត់ការហរិញ្ញវត្ថុសាលាខេត្ត លោកមេឃុំក្រោលគោ និងលោកស្រីប្រធានការិយាល័យគ្របគ្រង់ទ្រព្យសម្បត្តិរដ្ឋសាលាខេត្ត លោកប្រធានការិយាល័យរៀបចំដែនដី នគរូបនីយកម្ម និងភូមិបាលស្រុក៕
