ក្រុងព្រះសីហនុ ៖ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងរថយន្តមួយគ្រឿងបានបុកគ្នា បណ្តាលឲ្យបុរសអ្នកបើកបរម៉ូតូម្នាក់រងរបួសស្រាល ។
ករណីគ្រោះថ្នាក់ចរាចរណ៍នេះកើតហេតុនៅវេលាម៉ោង០៨:២០នាទីយប់ថ្ងៃទី២០ ខែមីនា ឆ្នាំ២០២១ ចំណុចខាងមុខការ៉ាស់សាំងPTT នៅលើវិថីឯករាជ្យ ស្ថិតក្នុងភូមិ០៤ សង្កាត់៤ ក្រុងព្រះសីហនុ ខេត្តព្រះសីហនុ ។
ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញមានរថយន្តមួយគ្រឿងម៉ាកព្រុស ពណ៌សរ សេរីឆ្នាំ២០១០ ពាក់ស្លាកលេខភ្នំពេញ2BJ-1992 បើកបរដោយបុរសម្នាក់ពាក់អាវពណ៌ក្រហម ទិសដៅពីតោពីរ ឆ្ពោះមកក្រោយសាលាអនុវិទ្យាល័យហ៊ុន សែន កម្មករ ។
លុះមកដល់ចំណុចខាងលើខាងលើក៏បើកក្នុងគោលបំណងបត់ឆ្វេង តែក៏ត្រូវបានម៉ូតូមួយគ្រឿង ម៉ាកអ៊ុិចហ្សិចទ័រពណ៌ទឹកប៊ិច គ្មានស្លាកលេខ ចុះពីចំណោតមន្ទីរសុខាភិបាល មកអនុវិទ្យាល័យហ៊ុន សែនកម្មករ បណ្តាលឲ្យបុកប៉ះ ចំពីខាងមុខក្បាលរថយន្តខាងលើ រងការខូចខាតទាំងសងខាង និងភាគីបុរសដែលជាអ្នកបើកម៉ូតូ រងរបួសស្រាល ។
ក្រោយពេលកើតហេតុ សមត្ថកិច្ចនគរបាលចរាចរណ៍បានចុះមកទីតាំងកន្លែងកើតហេតុ ជួយសម្រួលឲ្យជនរងគ្រោះទៅមន្ទីរពេទ្យព្យាបាលរបួស និង ធ្វើការយកវត្ថុតាងទាំងពីរយកទៅ ប៉ុស្តិ៍ចរាចរណ៍ផ្លូវគោកខេត្តព្រះសីហនុ រងចាំការដោះស្រាយបន្តតាមនីតិវិធីច្បាប់ ៕
