ខេត្តបន្ទាយមានជ័យ ៖ បុរសម្នាក់ត្រូវបានអ្នកស្រុកប្រទះឃើញស្លាប់កាលពីរវេលាម៉ោង៤ល្ងាចថ្ងៃទី២៤ខែមីនា ឆ្នាំ២០២១ ស្ថិតក្នុងភូមិតាវង ឃុំពន្លៃ ស្រុក ភ្នំស្រុក ។
ជនរងគ្រោះឈ្មោះឃូ ចាន់គ្រប់ភេទប្រុសអាយុ៤៤ ឆ្នាំរស់នៅភូមិតាវង ពន្លៃ ស្រុកភ្នំស្រុក ខេត្តបន្ទាយមានជ័យ ។
នគរបាលក្នុងមូលដ្ឋានប្រាប់ថា៖នៅមុនពេលកើតហេតុជនរងគ្រោះ រួមទាំងប្អូនថ្លៃម្នាក់នាក់និងអ្នកភូមិ ម្នាក់នាក់ទៀត ក្រោយពីច្រូតកាត់ស្រូវរូចហើយបានបើកគោយន្តកន្ត្រៃម្នាក់០១គ្រឿងដឹកស្រូវទៅលក់ឲ្យឈ្មួញ កណ្តាលដែលរងចាំទិញនៅលើខ្នងប្រឡាយ ។នៅពេលដែលបើកបរជនរងគ្រោះបានបើកនៅក្រោយគេផ្ទុកស្រូវចំនួន១៣ការុង ចំណែកគោយន្តកន្ត្រៃប្អូនថ្លៃនិងអ្នកភូមិទៅជាមួយបានបើកមុនគេដោយគម្លាតឆ្ងាយពីគ្នាជាច្រើនរយម៉ែត ពេលដែលប្អូនថ្លៃឈ្មោះ រ័ត្ន រ៉ម ភេទប្រុសអាយុ២៨ឆ្នាំ និងអ្នកភូមិម្នាកយទៀតបានដឹកស្រូវទៅដល់កន្លែងលក់ហើយ តែមិនឃើញគោយន្តកន្ត្រៃបងថ្លៃមកដល់ក៏ទៅតាមរកមើល ស្រាប់តែឃើញគោយន្តបានក្រឡាប់ធ្លាក់ចូលក្នុងប្រឡាយទឹកជើងក្អែកចំងាយ៣០០ម៉ែត្រពីភូមិតាវង ឃុំពន្លៃ ស្រុកភ្នំស្រុក ហើយជនរងគ្រោះត្រូវគោយន្តកន្ត្រៃសង្កត់ស្លាប់ក្នុងទឹកប្រឡាយបង្កឲ្យមានការភ្ញាក់ផ្អើលតែម្ដង ។ សពជនរងគ្រោះក្រោយពីពិនិត្យធ្វើកោសល្យវិច្ច័យរបស់សមត្ថកិច្ច ឃើញថាមិនពាក់ពន្ធនិងករណីឃាត្តកម្មត្រូវបានប្រគល់ឲ្យក្រុមគ្រួសារយកទៅចាត់ចេងធ្វើបុណ្យតាមប្រពៃណី ៕
