កណ្ដាល ៖ មន្ត្រីកងរាជអាវុធហត្ថ ស្រុកលើកដែកម្នាក់ ត្រូវបានគេប្រទះឃើញដេកស្លាប់ ក្នុងរថយន្តក្បែរ ចិញ្ចើមផ្លូវជាតិលេខ១ ស្រុកកៀនស្វាយ។
ហេតុការណ៍នេះបានបង្កឱ្យមានការភ្ញាក់ផ្អើលដល់ពលរដ្ឋនិងសមត្ថកិច្ច កាលពីវេលាម៉ោង៥ព្រឹកថ្ងៃទី២៩.០៣.២០២១ នៅតាមបណ្ដោយផ្លូវជាតិលេខ១ ស្ថិតក្នុងភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្ដាល។
ជនរងគ្រោះឈ្មោះ នូវ សាវឿន មានតួនាទី ជាមេបញ្ជាការរងPMស្រុកលើកដែក ខេត្តកណ្ដាល(ស្លាប់ក្នុងរថយន្ត)។
ប្រភពព័ត៌មានពីកន្លែងកើតហេតុបានឲ្យ«ដើមរាំង»ដឹងថា៖ នៅមុនពេលកើតហេតុគេមិនដឹងថា៖រថយន្តរងគ្រោះបើកយ៉ាងម៉េចនោះទេ..?។
ស្រាប់តែពលរដ្ឋដឹកគោយកទៅចង ក៏ប្រទះឃើញរថយន្តរងគ្រោះម៉ាក camry ហើមពណ៌ស ពាក់ស្លាកលេខកណ្ដាល2A 28 95 ធ្លាក់នៅចិញ្ចើមផ្លូវ ទៅវិញ។
ដោយម៉ាស៊ីនមិនទាន់រលត់នោះឡើយ
ពេលនោះប្រជាពលរដ្ឋ ក៏បានអេីតមើល ឃើញស្ថានភាពជនរងគ្រោះ ដេកស្លាប់នៅក្នុងរថយន្ត។
ហេីយភ្លាមនោះប្រជាពលរដ្ឋក៏បានរាយការណ៍ឱ្យសមត្ថកិច្ចមូលដ្ឋានចុះមកដល់កន្លែងកើតហេតុភ្លាមៗផងដែរ។
សមត្ថកិច្ចបានចុះមកដល់កន្លែងកើតហេតុ និងបានទាក់ទងទៅក្រុមគ្រួសារ របស់សពជនរងគ្រោះ ឲ្យមកដល់កន្លែងកើតហេតុ។
ប៉ុន្តែសមត្ថកិច្ចជំនាញមិនទាន់បានសន្និដ្ឋានថា៖ជនរងគ្រោះស្លាប់ដោយសារគ្រោះថ្នាក់ចរាចរណ៍ឬមួយក៏ស្លាប់ដោយសារការគាំងបេះដូងនោះទេ..?។
តែបើយោងតាមប្រភពពីក្រុមគ្រួសារបានបញ្ជាក់ឲ្យដឹងថា៖ «ជនរងគ្រោះមានជំងឺគាំងបេះដូង» សមត្ថកិច្ចកំពុងតែរង់ចាំមន្ត្រីជំនាញចុះមកកកន្លែងកើតហេតុ ដើម្បីធ្វើកោសល្យវិច្ឆ័យផងដែរ៕
