ជួយគ្នាក្នុងគ្រាលំបាក ៖ លោកឧត្តមសេនីយ៍ទោ ដាំ ឈឿន បានចូលរួមចែកអំណោយជូនបងប្អូនប្រជាពលរដ្ឋដែលមានជីវភាពខ្វះខាតចំនួន​ ៣០០​ គ្រួសារមកពីខណ្ឌច្បារអំពៅនិងខណ្ឌជ្រោយចង្វារ!

ភ្នំពេញ ៖ នៅថ្ងៃព្រហស្បតិ៍ ១១ រោច ខែចេត្រ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី០៨ ខែមេសា ឆ្នាំ២០២១នេះ លោកឧត្តមសេនីយ៍ទោ ដាំ ឈឿន នាយករងមន្ទីរប្រឆាំងបទល្មើសគ្រឿងញៀនអគ្គស្នងការដ្ឋាននគរបាលជាតិក្រសួងមហាផ្ទៃ បានចូលរួមជាមួយលោកប្រធានក្រុមហ៊ុន សូម៉ូគុន ឯ•ក ( Co,LTD) និងលោកស្រីរដ្ធលេខាធិការ ក្រសួងទំនាក់ទំនងជាមួយរដ្ឋសភា-ព្រឹត្តិសភា និងអធិការកិច្ច នាំយកអំណោយទៅចែកជូនបងប្អូនដែលមានជីវភាពខ្វះខាតចំនួន​ ៣០០​គួសារ នៅរាជធានីភ្នំពេញ។

ប្រជាពលរដ្ឋចំនួន ៣០០គ្រួសារ មកពីខណ្ឌច្បាអំពៅ និងខណ្ឌជ្រោយចង្វា ដែលមានជីវភាពខ្វះខាតងាយនឹងរងគ្រោះក្នុងពេញដែលជំងឺកូវីដ-19 កំពុងតែរាលត្បាតក្នុងសហគមន៍នៃព្រឹត្តិការណ៍ ២០កុម្ភៈ ដោយក្នុងមួយគ្រួសារទទួលបាន អង្ករ ២៥គីឡូក្រាម ជួយគ្នាក្នុងគ្រាលំបាក ។

សូមបងប្អូនប្រជាពលរដ្ឋទាំងអស់ថែរក្សាការពារសុខភាពឲ្យបានល្អដោយអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល និងជាពិសេសកុំភ្លេច (៣ការពារ ៣កុំ )ដើម្បីចូលរួមទប់ស្កាត់ការរីករាលដាលនៃជំងឺកូវីដ-19ទាំងអស់គ្នា៕