កម្លាំងអ្នករាជការមានមន្ត្រី និងថ្នាក់ដឹកនាំខណ្ឌសែនសុខ សង្កាត់ ភូមិ ត្រូវបានបញ្ចេញទៅជួយដល់ប្រជាពលរដ្ឋដែលរងទុក្ខលំបាកដោយសារពាក់ព័ន្ធនឹងកូវីដ–១៩ មិនថាថ្ងៃយប់នោះទេ ដោយបែងចែកគ្នាធ្វើការយ៉ាងសកម្ម រួមមាន ការដឹកជញ្ជូនគ្រឿងឧបភោគបរិភោគ ស្បៀងអាហារចែកជូនគ្រួសារតាមផ្ទះតំបន់បិទខ្ចប់ តំបន់ចត្តាឡីស័ក ការយាមទីតាំងច្រកចេញចូល ការសម្របសម្រួលទីតាំងចាក់វ៉ាក់សាំង ការចែកម៉ាស់ប្រើប្រាស់ ការផ្សព្វផ្សាយវិធានការពារ និងការអនុវត្តសេចក្តីសម្រេចផ្សេងៗជាបន្តបន្ទាប់….។
នៅមានសកម្មភាពជាច្រើនទៀត ដែលត្រូវបានអាជ្ញាធរខណ្ឌបានធ្វើ ដើម្បីប្រយុទ្ធប្រឆាំងទប់ស្កាត់ជំងឺកូវីដ–១៩ និងដើម្បីជួយដល់ប្រជាពលរដ្ឋក្នុងមូលដ្ឋានរបស់ខ្លួន ដោយមិនខ្លាចនឿយហត់ និងប្រឈមជំងឺនោះទេ ។
សូមបងប្អូនដែលបានធ្វើចត្តាឡីស័កតាមផ្ទះក្នុងភូមិយោគយល់អធ្យាស្រ័យ ហើយក្នុងនាមអាជ្ញាធរនឹងខិតខំជួយអោយអស់លទ្ធភាព ។ សូមចូលរួមការពារទប់ស្កាត់ជំងឺកូវីដ–១៩ ទាំងអស់គ្នា ។
