ខេត្តបន្ទាយមានជ័យ ៖ ពលកខ្មែរចំនួន ២០នាក់ ឆ្លងដែនពីប្រទេសថៃចូលមកខ្មែរតាមច្រករបៀងត្រូវកំលាំងចម្រុះឃាត់បានទាំងយប់បញ្ជូនទៅធ្វេីចាត្តាឡីស័ក១៤ថ្ងៃ នៅយប់ថ្ងៃទី៧ ខែឧសភា ឆ្នាំ២០២១ នៅចំណុចគោលដៅទំនប់ដាច់ ភូមិសូរិយា ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
លោកវរសេនីយ៍ទោ យូ សុគន្ធភក្តី មេបញ្ជាការវរសេនាតូចថ្មេីរជេីងលេខ៥១៣ បានប្រាប់ឲ្យដឹងថាដោយអនុវត្តតាមបទបញ្ជារបស់ លោកឧត្តមសេនីយ៍មេបញ្ជាការកងពលតូចថ្មេីរជេីងលេខ៥១លោក បានដឹកនាំកម្លាំងសហការជាមួយកម្លាំងព្រំដែន៥០៣ និង ប៉ូលិស៩១១ ចេញល្បាតនៅចំណុចគោលដៅទំនប់ដាច់បានប្រទះឃើញពលករខ្មែរចេញពីប្រទេសថៃមាន ប្រុស ស្រី២០នាក់បានឃាត់សួរនាំ។
កំលាំងចម្រុះបានប្រាប់អ្នកយកព៍ត័មានឲ្យដឹងបន្តទៀតថាមូលហេតុដែលពួកគាត់មកពីប្រទេសថៃនេះដោយសារខាងអាជ្ញាធរថៃធ្វើការរឹតបន្តឹងនៅកន្លែងធ្វើការងារ ស្របពេលកូវីដ.១៩ កំពុងឆ្លងខ្លាំងផងទើបពួកខ្លួនវិលត្រឡប់មកស្រុកកំណើតវិញតាមច្រករបៀងសំណាងណាស់តំរួតថៃមិនបានកាក់។
បន្ទាប់ពីធ្វើការសាកសួររួចកម្លាំងសមត្ថកិច្ចចម្រុះបានប្រគល់ពួកគាត់ជូនផ្នែកជំនាញបញ្ជូនទៅធ្វេីចាត្តាឡីស័កនៅកន្លែងបានកំណត់ឲ្យគ្រប់១៤ថ្ងៃទើបអាចឲ្យវិលទៅផ្ទះវិញបាន៕
