ខេត្តស្វាយរៀង ៖ ប្រធានមន្ទីពេទ្យបង្អែកស្រុកស្វាយជ្រំសូមថ្លែងអំណរគុណដល់លោក ប្រាក់ សារ៉ន និងលោកស្រី ផេង បូរ៉ា ដែលបានឧបត្ថម ទឹកបរិសុទ្ធ ដល់អ្នកជម្ងឺ កូវីដ-១៩ នៅក្នុងមន្ទីរពេទ្យបង្អែកស្រុកស្វាយជ្រំទាំងអស់ ពិសាមិនកំណត់រហូតដល់ ចប់កូវីដ-១៩ នៅថ្ងៃអាទិត្យ ១៣រោច ខែពិសាខ ឆ្នាំឆ្លូវត្រីស័ក ព.ស.២៥៦៥ ត្រូវនិងថ្ងៃទី០៩ ខែឧសភា ឆ្នាំ២០២១ ។
លោក ប្រាក់ សារ៉ន និងលោកស្រី ផេង បូរ៉ា បានចំណាយនូវទ្រព្យសម្បត្តិផ្ទាល់ខ្លួនឧបត្ថម្ភជាទឹកបរិសុទ្ធសំរាបអ្នកជម្ងឺកូវីដ-១៩ ដែលបានសំរាកព្យាបាលនៅមន្ទីពេទ្យបង្អែកស្រុកស្វាយជ្រំទាំងអស់រហូតដល់ចប់កូវីដ-១៩ កាយវិការនេះបង្ហាញពីទឹកសប្បុរសធម៌ល្អ ប្រពៃថ្លៃថ្លាក្នុងការជួយចូលរួមជាមួយរាជ រដ្ឋាភិបាលដើម្បី ការពារ និងបង្កាទប់ស្កាត់ការឆ្លងរាតត្បាតនៃជម្ងឺកូវីដ-១៩។
ក្នុងនាមប្រធានមន្ទីពេទ្យបង្អែកស្រុកស្វាយជ្រំតំណាងឲ្យបងប្អូនអ្នកជម្ងឺកូវីដ-១៩ទាំងអស់ដែលមកសម្រាកព្យាបាលនៅទីនេះ សូមប្រសិទ្ធពរជ័យ បវរសួរស្តីជួនចំពោះលោក ប្រាក់ សារ៉ននិងលោកស្រី ផេង បូរ៉ា ព្រមទាំងបុត្រា បុត្រី ចៅប្រុស ចៅស្រី សូមឲ្យមានសុខភាពល្អ សំណាងល្អ ជោគជ័យគ្រប់ភារកិច្ចការងារ និង ប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ជាពិសេស សូមឲ្យចៀសផុតពីជម្ងឺកូវីដ-១៩ ៕
