ភ្នំពេញ ៖ លោក ម៉ូវ ម៉ានិត អភិបាលខណ្ឌសែនសុខ បានអញ្ជើញចុះពិនិត្យទីតាំងផ្ទះប្រជាពលរដ្ឋដែលកើតជំងឺកូវីដ-១៩ ស្ថិតក្នុងសង្កាត់អូរបែកក្អម ខណ្ឌសែនសុខ ដើម្បីរៀបចំអនុវត្តវិធានការ កុំឲ្យឆ្លងទៅកាន់ប្រជាពលរដ្ឋដែលនៅជុំវិញនៅព្រឹកថ្ងៃអាទិត្យ ១៣រោច ខែពិសាខ ឆ្នាំឆ្លូវត្រីស័ក ព.ស. ២៥៦៥ ត្រូវនឹងថ្ងៃទី០៩ ខែឧសភា ឆ្នាំ២០២១។
លោក ម៉ូវ ម៉ានិត មានប្រសាសន៍ផ្តាំផ្ញើថា សូមបងប្អូនប្រជាពលរដ្ឋបង្កើនការប្រុងប្រយ័ត្នខ្ពស់ និងចូលរួមអនុវត្តវិធានការសុខាភិបាលជាប្រចាំ បើគ្មានករណីចាំបាច់សូមកុំចេញពីផ្ទះ កុំទៅកន្លែងដែលមានមនុស្សច្រើន រក្សាគម្លាតបុគ្គល និងគម្លាតសង្គម ពាក់ម៉ាស់ បាញ់អាល់កុលជាប្រចាំ ដើម្បីកាត់ផ្តាច់ការឆ្លងរីករាលដាលជំងឺកូវីដ-១៩៕
