ខេត្តបាត់ដំបង ៖ បុរសម្នាក់ត្រូវបានកម្លាំងសមត្ថកិច្ចឃាត់ខ្លួនបន្ទាប់ពីបានធ្វើសកម្មភាពលួចយកម៉ូតូរបស់គេមួយគ្រឿងតែរត់មិនរួចក៏បានយកទៅផ្លូងចោល។
បើយោងតាមរបាយការណ៍ពីកម្លាំងសមត្ថកិច្ចជំនាញបានស្រុកថ្មគោលឲ្យដឹងថា នៅវេលាម៉ោង១៣និង០០នាទី ថ្ងៃទី១០ ខែឧសភាឆ្នាំ ២០២១នៅក្រុមទី០៧ ភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបងមានករណីលួចម៉ូតូបង្កឡើងដោយជនសង្ស័យម្នាក់ បានធ្វើសកម្មភាពលួចម៉ូតូមួយគ្រឿងម៉ាកហុងដាឌ្រីមសេ១២៥ ស៊េរី២០១៦ពណ៌ខ្មៅពាក់ស្លាកលេខបាត់ដំបង 1X- 0161 ជារបស់ជនរងគ្រោះម្នាក់ឈ្មោះ ហន តុញ ភេទប្រុសអាយុ៣៩ឆ្នាំរស់នៅភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ។
ប្រពភពីសាក្សីបានឲ្យដឹងថាក្រោយពីធ្វើសកម្មភាពរួចជនសង្ស័យបានជិះម៉ូតូគេចខ្លួនមកខាងភូមិសាស្រ្តស្រុកបវេល ហើយក៏ទុកម៉ូតូចោលរួចក៏ រត់គេចខ្លួនតែម្តងទៅ ។
សមត្ថកិច្ចបានបន្តថា ក្រោយពីទទួលដំណឹងបានភ្លាមកម្លាំងជំនាញសហការជាមួយកម្លាំងនគរបាលប៉ុស្តិ៍បន្សាយត្រែង ប៉ុស្តិ៍រូងជ្រៃនិងកម្លាំងជំនាញនៃអធិការដ្ឋាននគរបាលស្រុកបវេល បានធ្វើការបង្ក្រាបឃាត់ខ្លួនបានជនសង្ស័យ០១នាក់ឈ្មោះ ឆាយ ឆេត ភេទប្រុសអាយុ២៦ឆ្នាំរស់នៅភូមិស្លខ្លាញ់ ឃុំបវេល ស្រុកបវេល នៅចំណុចវាលក្រឡ ស្ថិតក្នុងភូមិបវេល២ ឃុំបវេល ស្រុកបវេល ខេត្តបាតដំបង។
សមត្ថកិច្ចដកហូតបានសម្ភារៈរួមមាន៖
ម៉ូតូ០១គ្រឿងម៉ាកហុងដាសេ១២៥ ឆ្នាំ២០១៦ ពណ៌ខ្មៅពាក់ស្លាកលេខបាត់ដំបង 1X.0161 លេខតួលេខម៉ាស៊ីន ND125ME9577611 ។
សមត្ថកិច្ចជំនាញស្រុកថ្មគោលបានសុំការអនុញ្ញាត្ត ដើម្បីឃាត់ខ្លួនជាបណ្តោះអាសន្នដើម្បីស្រាវជ្រាវរកបក្សពួកជាបន្តទៀតនិងចាត់វិធានការទៅតាមនីតិវិធី ៕
